Президент: "Экономикалык кылмыштуулукка каршы күрөшүү боюнча кызматында иштегендер ишкерлерден акча талап кылышканы боюнча фактылар бар"

Бүгүн, 22-февралда президент Сооронбай Жээнбеков Экономикалык кылмыштуулукка каршы күрөшүү боюнча мамлекеттик кызматтын төрагасы Замирбек Осмоновду кабыл алды. Бул тууралуу президенттик аппараттын басма сөз кызматы билдирди.

Маалыматка ылайык, Коопсуздук кеңешинин 8-февралдагы чечиминде белгиленген аталган кызматтын алдында турган коррупцияга каршы чаралар жана тапшырмалар талкууланды.

Мамлекет башчысы кызматка экономикалык кылмыштарга каршы аракеттенүү боюнча милдеттер жүктөлгөнүн айтты. Президент билдиргендей, Экономикалык кылмыштуулукка каршы күрөшүү кызматынын жетекчилиги, айрым катардагы кызматкерлер дагы жетишсиз чараларды көрүп жатканын белгиледи.

"Кылмыш иштери ишкерлерге кысым жасоо, алардан акча доолап алуу максаты менен козголуп жатканы боюнча фактылар бар. Жарандардан жана таза иштеген ишкерлерден силердин кызматкерлердин мыйзамсыз иш аракеттерине болгон арыздар токтобой келет. Ошондой эле чакан жана орто ишкерликтин таза иштебеген өкүлдөрүнүн иштерин жашыруу фактылары дагы бар", - дейт Жээнбеков.

Мамлекет башчы контрафакт спирт ичимдиктерин өндүрүү жана сатуу, жашырынып иштеген кумар оюндар жайларын аныктоо, аймактарда күйүүчү майларды аткезчилик жолу менен ташуу фактыларын алдын алуу боюнча жетишсиз жумушун белгиледи. Ошону менен катар эле Жээнбеков бул багыттагы ишти күчөтүүнү талап кылды.

Автор: Жылдыз Джускембаева
Фото: Султан Досалиев

13:30 22-02-2018

Жазылуу

РУБРИКАДАГЫ СОҢКУ КАБАРЛАР

10:04 2025-07-08 | Түркүн дүйнө

Иранда Израилдин соккуларынан каза болгондордун саны дагы өстү 11 0

09:49 2025-07-08 | Түркүн дүйнө

NYT: АКШда жаңы партия түзүү Марска учууну уюштуруудан да кыйыныраак 91 0

09:48 2025-07-08 | Кылмыштар, кырсыктар

Кыргыз өлкөсүндө соңку суткада 40ка чукул өрт кырсыгы катталды 51 0

09:42 2025-07-08 | Коом жана турмуш

Бишкекте 9 жаштагы баланын ашказанынан чупа-чупстун таякчасы алынды 110 0

08:59 2025-07-08 | Түркүн дүйнө

Трамп Украинага дагы курал жөнөтүүнү убада кылды 443 0

08:34 2025-07-08 | Түркүн дүйнө

Техаста суу ташкынынан каза болгондордун саны 100дөн ашты 304 0

Архив

Комментарийлер (1)

dastan.bujun

2018-02-22 14:24:31

Талапты катуу коюш керек иштесен иште болбосо кет деп эле айтыш керек.
Коррупция менен курошуучулор оздору батып калган коррупция га.
Коррупцияга жазаны Омур бою эркинен ажыратууга чейин которуш керек.
Азыркыз 8-15 жылга чейинки да аз.
Болбосо бизде токтобойт коррупция

Комментарий калтыруу үчүн өз ысымыңыз менен кириңиз же каттоодон өтүңүз.