ЖЫЛНААМА, 23-ФЕВРАЛЬ: Жогорку Кеңештин депутаты Жылдыз Мусабекова 43 жашка чыкты

Жогорку Кеңештин VI чакырылышындагы КСДП фракциясынын депутаты Жылдыз Мусабекова 1975-жылы 23-февралда Нарын облусунун Ат-Башы районунун Ак-Моюн айылында төрөлгөн.

Жогорку билимдүү. 1998-жылы Кыргыз мамлекеттик улуттук университетинин журналистика адистигин аяктаган.

Эмгек жолун 1992-1993-жылдары Ат-Башы районундагы Бирлик айылындагы "Маадабай" дыйкан чарбасына жумушчу болуп иштөөдөн баштаган.

1995-1996-жылдары "Асаба" гезитинде алгач тажрыйба өтөп, 1996-2001-жылдары гезиттин кабарчысы болуп иштеген;

2001-2007-жылдары "Агым" гезитинин кабарчысы;

2007-2008-жылдары "Дефакто" гезитинин башкы редакторунун орун басары;

2008-2009-жылдары "Айат пресс" гезитинин башкы редактору кызматын аркалаган;

2009-2010-жылдары "Эл сөзү" жана "Форум" гезиттеринде башкы редактор, 2010-жылы "Айат" гезитинин башкы редактору болуп дайындалып 2012-жылга чейин иштеген;

2012-2015 жылдары Бишкек шаардык мэриясынын №3 муниципалдык аймактык башкармалыгынын жетекчиси болуп турган;

2015-жылдын 4-октябрында Кыргызстан социал-демократиялык партиясынын тизмеси боюнча VI чакырылыштагы Кыргыз Республикасынын Жогорку Кеңешинин депутаты болуп шайланган;

Үй-бүлөлүү, үч кыздын апасы;

Кыргыз Республикасынын маданиятына эмгек сиңирген ишмер.

23-февралдын жылнаамасы.

Автор: Мунарбек Жоргомов