ЖЫЛНААМА, 27-ФЕВРАЛЬ: Жогорку Кеңештин депутаты Тынчтык Шайназаров 44 жашка толду

Бүгүн, 27-февралда депутат Тынчтык Шайназаров 44 жашка толду. Ал Жогорку Кеңешке 2010-жылы "Республика" партиясынын, 2015-жылы "Өнүгүү-Прогресс" партиясынын тизмеси менен депутат болуп келген. Үй-бүлөлүү, 5 баланын атасы.

Шайназаров 1974-жылы 27-февралда Ош облусунун Кара-Суу районундагы Мады айылында туулган.

1996-жылы Кыргыз мамлекеттик улуттук университетинин Юридика факультетин бүтүргөн.

Эмгек ишмердүүлүгүн Кызыл-Кыя шаарынын прокуратурасында тергөөчү болгонго чейин 1996-жылы Чоң-Алай районунун прокуратурасында стажёр-тергөөчү болуп иштөөдөн баштаган.

1999-жылдын февралынан баштап 2001-жылдын ноябрына чейин Ош облусунун прокуратурасында кылмыштарды тергөөгө көзөмөл боюнча секторунун прокурору болуп иштеген.

2001-2002-жылдары Ош облусунун прокуратурасынын улук тергөөчүсү болуп эмгектенген.

2003-2004-жылдары Ош облусунун прокуратурасында кылмыштарды тергөөгө көзөмөл боюнча секторунун прокурору;

2004-2007-жылдары Ош шаарынын прокуратурасында кылмыштарды тергөөгө көзөмөл боюнча бөлүмдө жетекчинин милдетин аткаруучу, жетекчи;

2007-жылдын августунан 2009-жылдын августуна чейин Ош облусунун прокурорунун улук жардамчысы болуп иштеген.

Ал эми 2009-жылдын сентябрында Жалал-Абад шаарынын прокурору болуп дайындалган.

2010-жылдын ноябрында “Республика” партиясынан Жогорку Кеңештин V чакырылышына, 2015-жылдын 4-октябрында “Өнүгүү-Прогресс” партиясынан Жогорку Кеңештин VI чакырылышына депутат болуп шайланган.

Юстициянын II класстагы кеңешчиси.

27-февралдын жылнаамасы.

Автор: Жамалидин Парманкулов