Экс-министр Арзыбек Кожошев: "Казакстанда 100 адамдын 80ине интернет жеткиликтүү, ал эми Кыргыз өлкөсүндө 100 адамдын 40ы интернетке кире алат"

Казакстанда 100 адамдын 70-80ине интернет жеткиликтүү, ал эми Кыргыз өлкөсүндө 100 адамдын 40ы интернетке туташа алат. Бул тууралуу 2017-жылга карата статистика менен бүгүн, 27-февралда "Таза коом" долбооруна арналган тегерек столдун жүрүшүндө мурдагы экономика министри Арзыбек Кожошев тааныштырды.

Анын айтымында, "Таза коом" долбоорун ишке ашырууда биринчи кезекте учурда кездешип жаткан көйгөйлөрдү жоюу керек.

"Таза коом" - бул өлкөнүн жашоочуларына гана керектүү жана пайдалуу долбоор болуп саналат. Ошондуктан аны тезинен жогорку деңгээлде ишке ашыруу керек. Эң биринчи көйгөй - каржы маселеси. Өкмөттөн убадаланган жыл сайын 500 миллион сомду күтө турган болсок, өлкө бул долбоорго өтүүгө кечигип калуусу толук ыктымал.

Экинчи маселе - бул маалыматтын коопсуздугу. Анткени ошол эле АКШда жарандардын электрондук маалыматы президентти шайлоонун жыйынтыгына өз таасирин тийгизди деген пикирлер дагы деле айтылууда. Ошол себептен мамлекет ар бир жарандын электрондук маалыматына коопсуздукту камсыз кылуу керек.

IT технологиялары жаатындагы адистердин жетишсиздиги да көйгөй жаратышы мүмкүн. Бул маселени атайын окуу жайларга көңүл бууру менен чечүү керек. Эң башкы көйгөй - бул жарандардын интернетке кирүү мүмкүнчүлүгүнүн жоктугу. Андыктан интернетке туташууга жарандарга шарт түзүп берүү керек. 2016-жылы жүргүзүлгөн изилдөөлөрдүн негизинде Кыргыз жергесинде 100 жарандын ичинен 30 жаран гана интернетке туташа алган. Ал эми 2017-жылы ал көрсөткүч 10 жаранга гана өскөн. Эгер биз электрондук экономикага өтөбүз десек анда мындай көрсөткүч чоң маселени жаратат", - деди Кожошев.

Автор: Айнуска Жороканова

15:12 27-02-2018

Жазылуу

РУБРИКАДАГЫ СОҢКУ КАБАРЛАР

23:46 2025-06-30 | Коом жана турмуш

"1000ге жеткиришибиз керек". Ташиев Чаткалдыктарга өзгөчө тапшырма койду (видео) 193 0

23:18 2025-06-30 | Түркүн дүйнө

НАТОнун саммити 2026-жылы Анкарада өтөт 130 0

23:06 2025-06-30 | Түркүн дүйнө

Иран Украинанын Тегерандагы өкүлүнө нааразылык нотасын тапшырды 367 0

22:45 2025-06-30 | Кылмыштар, кырсыктар

УКМК Бишкек менен Чүйдө жер тилкелери мамлекетке алынганын билдирди 272 0

22:31 2025-06-30 | Түркүн дүйнө

Сирия жакынкы ааралыкта Израил менен тынчтык түзүшү мүмкүн 291 0

22:02 2025-06-30 | Түркүн дүйнө

Трамп Сирияга каршы санкцияларды жеңилдеткен буйрукка кол коёт 298 0

Архив

Комментарийлер (1)

plaza85

2018-02-27 15:29:06

Казактарды бизге салыштыргандан эмне пайда, ошол маселени кеп кылбай эле озунор чечип бербейсинерби. Качан болсо эле биро менен салыштырып тоодой маселеге айлантып журосунор.

Комментарий калтыруу үчүн өз ысымыңыз менен кириңиз же каттоодон өтүңүз.