Өлкөдөгү өндүрүлгөн шоколадга желектин сүрөтү түшүрүлгөн деп коомчулук кызуу талкуулоодо

Социалдык тармактарда өлкөдө өндүрүлгөн шоколаддын айланасында кызуу талкуу жаралды. Анда шоколаддын даамы үчүн эмес, анын бетине түшүрүлгөн желектин сүрөтү колдонуучулардын нааразычылыгын жараткан.

Талкууга алынып жаткан таттуу 2 ай мурда сатыкка чыккан. Мындан улам айрым сатып алуучулар "мамлекеттик символду тебелеп жатышат" деген пикирлерин айтып чыгышкан.

Алардын бири, социалдык тармактын колдонуучусу Алишер Ташматов: "Мамлекеттик символдор бүгүн шоколаддын бетине түшүрүлсө, эртең даарат кагазынын бетине да түшүрүлүшү мүмкүн. Андыктан катуу чара колдонуу керек", - деп өз пикирин билдирген. Анын бул пикирин социалдык тармактын бир нече колдонуучулары кубаттаган.

Ал эми өндүрүүчүлөр: "Таттуунун бетиндеги сүрөт мамлекеттик символду тебелөө эмес. Анда түндүктүн гана сүрөтү түшүрүлгөн. Бизге мамлекеттик органдар тарабынан да эскертүүлөр берилген эмес. Эгер биздин азыкты калктын басымдуу бөлүгү сындай турган болсо, шоколаддын бетиндеги сүрөтүн алмаштырабыз", - деп маалымат каражаттарына билдирген.

Юристтердин билдирүүсүнө ылайык, шоколаддагы сүрөт эч кандай мамлекеттик символдун баркын кетирүүнү билдирбейт. Белгилей кетсек, мамлекеттик символдордун баркын түшүргөндөр 5 миңден 10 миң сомго чейин айып төлөйт же 1 жылга эркинен ажыратылат.

Автор: Бактыгүл Момбекова

07:44 02-03-2018

Жазылуу

РУБРИКАДАГЫ СОҢКУ КАБАРЛАР

18:58 2025-07-06 | Коом жана турмуш

Блог: Петра – таштан жаралган тарых 2440 0

18:21 2025-07-06 | Коом жана турмуш

Блог: Мен көргөн Анталья: күн, деңиз, тарых жана сезимдер 2621 0

17:08 2025-07-06 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 2578 0

16:36 2025-07-06 | Түркүн дүйнө

Трамп өз убадасынан күмөн санайт 1746 0

15:40 2025-07-06 | Спорт

Бишкекте өткөн Азия чемпиондугунда кыргызстандык балбандар байгелүү орундарга ээ болушту 641 0

15:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 5304 0

Архив

Комментарийлер (25)

Jazdyn_tany

2018-03-01 20:52:43

Койгулачы эй! Тортко өздөрүнүн бетинин сүрөтүн койдуруп жасаткандар деле бар го.

+15

AKCAHAT

2018-03-01 21:24:08

Кыргыздар эсинер мн болгулачы)))) бир жолу эле эми патриоттун кешигин ичсенер дагы.

+14

bars_wire

2018-03-01 21:32:47

Соонун жарашыптыр.Дем бергендин ордуна буттан тартып калыш керекда.бул нерсе канга синген.

+16

uli0404

2018-03-01 21:45:22

Сопсонун эле чыгыптырго

turaliev

2018-03-01 22:09:11

Бир жеринерди кыскылачы! Сонун болуптур го...

muslim87

2018-03-01 22:16:44

Менимче булар шокаладтарды кыргыз өлкөсүндө жасалаарын көрсөткүлөрү келишкен. Улуттук символду тебелеген эчнерсе көрө албадым. Бөйрөктөн шыйрак чыгарыштын кажети жок. Кыргызстандан чыгат экен деп сыймыктанып жейбиз.

Aruujanshaxi

2018-03-02 13:18:10

muslim87,Ооба да Кыргызстандан да сапаттуу таттуулар чыкса анын эмнеси жаман.Казакстан, Россия, Украинанын таттууларын албай өзүбүздөн чыккан продукцияларды алмакпыз.Тоок тукум тууса деле тукумунан кыр издей турган болдук го

Medinaa

2018-03-01 22:35:23

Калп эле мекенчил боло бербесинчи!Казакстандын "казакстан"шоколадын тамшанып жеп эле жүрөбүз го!

bibi87

2018-03-01 22:50:39

Уууф, ушул кантип болсун эми? Калп эле патриот болумуш болуунун эмне кереги бар? Сопсонун эле болуп турат, наоборот, колдоо корсоткондун ордуна, ушинтип , тоскоол болгондон башка эч нерсе билишпейт. Казакстан деген шоколадды Москвадагы кесиптешим «орус улутундагы « коробкалап алып келген Астанага командировкага барганда. Так что, эн жакшы идея Кырзызстанды башка олкого таанытууга, эшектин этине караганда. Кысчу жерлерин кысып эле отура беришсин

Sultana17

2018-03-02 08:02:48

Урматуу УКМК бул кылмыш ишин тезинен изилдениздер кайдигер карабаныздар кылмыштуу тоб тезинен кармалыш керек!

-6

Baku88

2018-03-02 08:28:40

Мен бул жерден эч кандай жаман нерсе көрбөдүм зеериккендердин эрмеги ушул шоколад болуптур андан көрө убактынарды башка пайдалуу ишке жумшасанар боло

ashamkan

2018-03-02 08:30:19

Шоколаддын аты кандай алып коройунчу

amirrus

2018-03-02 09:13:14

сонун эле дабдыраба э активист болумуш таяк жейсин,ушундай олумуштордон кудай сактасын.кыла албайт,бироо кылса коро албайт ичи тар 7м

defne15

2018-03-02 10:31:06

Мага жакты.Эми алар Кыргызстанда ондурулгон деген мааниде болсо керек эле.

rahatov

2018-03-02 13:40:46

Турсаларга чаптап чыгарып жактанда каяакта эленер

sabira.1990

2018-03-03 07:12:59

Шириндикти лично мен туалетке салбайм,салганга ашпайт дагы,сонун чыгыптыр,кагазга болсо текшерууго алса болот

Комментарий калтыруу үчүн өз ысымыңыз менен кириңиз же каттоодон өтүңүз.