"ЭЛДИК КАБАРга" жооп: ӨКМ: "Аксыда жер көчкү жүрүү коркунучу жаралган айылдагыларга башка жактан жер берилген, көчпөй жатышат"

Жалал-Абад облусунун Аксы районундагы жер көчкү жүрүү коркунучу жаралган айылдардын жашоочуларына башка жактан жер берилген, бирок алар көчпөй жатышат. Бул тууралуу бүгүн, 2-мартта Өзгөчө кырдаалдар министрлигинин Аксы райондук бөлүмүнүн башчысы Эрмек Тойчубеков билдирди.

"Ал жер мурда эле кооптуу аймак деп табылган, бул айылда 5-6 турак жай бар. Аларга жер бөлүнүп, пайызсыз насыя берилген. Бирок 3-4 үй-бүлө көчүп кетип, 2-3 үй-бүлө көчкүлө деп эскертилгенине карабастан дагы деле жашап жатышат", - дейт Тойчубеков.

Айта кетсек, буга чейин окурман SUPER.KG порталынын "Элдик кабар" рубрикасына WhatsApp аркылуу Аксы районундагы Райкомол айылындагы үйлөрдү көчкү басып калуу коркунучу жаралганын кабарлаган.

Автор: Кенжебай Сатканалиев