8-Мартка карата Каржы министрлигинин айым кызматкерлерине жетекчилеринин атынан куттуктоо каттары гана тапшырыла турган болду

Каржы министрлиги интернеттеги социалдык түйүндөрдө жана бир катар маалымат сайттарында 8-Мартты майрамдоо үчүн 250 миң сомго гүл продукцияларын сатып алууга жарыяланган тендер тууралуу комментарийлерге байланыштуу аталган тендер боюнча расмий түшүндүрмө берди.

Маалыматка ылайык, Каржы министрлиги гүлдесте сатып алууга жарыяланган бул тендер 8-Мартты майрамдоого байланыштуу эмес. Ал акчага алынуучу гүл композициялары расмий протоколдук иш-чараларга, чет өлкөлүк конокторду тосуп алууга, ошондой эле маанилүү мааракелик күндөрдү майрамдоого гана багытталган.

"Гүлдесте сатып алуу үстүбүздөгү жыл ичинде жүргүзүлөт. Бир катар маалымат сайттары аталган гүл продукцияларын сатып алууда алдын ала сүйлөшүп алынган жеткирип берүүчүлөр (поставщик) бар экендигин жана уюштурулуп жаткан тендер жөн гана формалдуу жүргүзүлүп жаткандыгын жазып чыгышкан", - деп айтылат түшүндүрмөдө.

Буга байланыштуу Каржы министрлиги учурда эч кандай сүйлөшүлгөн жеткирип берүүчү жок экендигин билдирет. Тендердин жеңүүчүсү сынак өткөрүлгөндөн кийин гана белгилүү болмокчу.

8-мартты майрамдоо үчүн Каржы министрлигинин жетекчилигинин атынан бир гана куттуктоо каттарын тапшыруу пландаштырылууда.

Эске салсак, буга чейин Каржы министрлиги 8-Мартка карата алынуучу гүлгө бюджеттин эсебинен 250 миң корото турганы белгилүү болгон.

Автор: Бекболсун Молдояр уулу

14:58 05-03-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1310 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 296 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1139 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1453 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 448 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 330 0

Архив

Комментарийлер (2)

Kg-samsung

2018-03-05 15:46:07

Карандай калпты айтышат экен да 8 мардка деп жазып 5 мартка чейин тендер айактайт деп айтты элего кече эле булар эмне деген адамдар элдин мнениясын уруп ойнобойт окшойт

Asyl.jazi

2018-03-05 23:18:40

Буларды эмне кылса болот? Ишеничтен чыккан, качан калктын ишеничине ээ болот, аны Кудай билет.

Комментарий калтыруу үчүн өз ысымыңыз менен кириңиз же каттоодон өтүңүз.