Жанар Акаев: "Кыргыз темир жолу" боюнча кылмыш иши ачылып, тиешелүү каражаттар бюджетке түшмөйүнчө күрөшүүнү токтотпойм"

Депутат Жанар Акаев "Кыргыз темир жолу" ишканасында коррупцияга шек жараткан маалыматтарын УКМКга өткөрүп берип, иликтөө жүрүп жатканын 6-апрелде SUPER.KG'ге айтып берди. Андан сырткары, аталган ишкананын жетекчилиги тарабынан бюджетке 45 миллион сом чыгым болгону боюнча жаңы материалдар колуна тийгенин кошумчалады.

"Аталган ишканадагы коррупцияга шек жараткан буга чейинки үч эле фактыны айтып өтөйүн. Биринчиден, ишкана 150 вагон сатып алуу үчүн Кыргыз-Орусия өнүктүрүү фондунан 8 миллион 380 миң доллар насыя алган. Ал вагондорду казакстандык фирмалардын бири аркылуу алуу боюнча макулдашуу болгон. Фирма макулдашууга ылайык, 150 вагонду 2018-жылдын январь айынын аягына чейин жеткирип бермек. Бирок бүгүнкү күнгө чейин 40тай гана вагон келген. Алар да тендердин талабына жооп бербейт. Бул үчүн Кыргыз транспорт прокуратурасы 5-мартта вагондорду алып келе турган казак фирмасына айып салды. Иш өз убагында аткарылса бюджетке бир канча акча түшмөк. Экинчиден, ишкана жетекчиси Алмазбек Ногойбаев Өзбекстандын 137 миллион сом карызын кечип салды. Үчүнчүдөн, Ногойбаев өзүнүн Асел Ногойбаева деген кызына таандык фирмага ишканага тиешелүү жерге мейманкана куруп берип салган. Эсептөө палатасынын аудиторлору муну мыйзамсыз деп тапкан. Топтолгон материалдардын баарын УКМКнын тийиштүү бөлүмүнө өткөрүп бердим. Азыр иликтеп жатышат.

Мага кечээ, 5-апрелде 45 миллион сом чыгым болгону боюнча документтер келди. Аны да УКМКга өткөрүп берем. Качан гана кылмыш иши ачылып, тиешелүү каражаттар бюджетке түшмөйүнчө күрөшүүнү токтотпойм", - деди Акаев.

Автор: Жамалидин Парманкулов

09:54 06-04-2018

Жазылуу

РУБРИКАДАГЫ СОҢКУ КАБАРЛАР

21:12 2025-07-01 | Түркүн дүйнө

Түркияда Мухаммед пайгамбардын карикатурасынын жарыяланышы боюнча иликтөө иштери башталды 339 0

20:55 2025-07-01 | Коом жана турмуш

Ташиев: "Нарын шаарынын жолуна жооптуу "Бета Групптун" жетекчисин столбага байлап койгула" (видео) 854 0

20:26 2025-07-01 | Түркүн дүйнө

Ташиев Нарынга барар алдында жолдордун жасалганы тууралуу маалыматты тактады (видео) 896 0

20:06 2025-07-01 | Коом жана турмуш

Нарын шаарынын негизи 2 көчөсү качан бүткөрүлөрү айтылды (видео) 410 0

19:36 2025-07-01 | Коом жана турмуш

"Оюлган бойдон жатат". Ташиевдин Нарындагы жыйынынан дагы видео жарыяланды (видео) 1250 0

19:03 2025-07-01 | Түркүн дүйнө

Трамп Илон Маскка Түштүк Африкага кайтып кетүүгө кеңеш берди 1258 0

Архив

Комментарийлер (5)

kalpak.kg92

2018-04-06 10:07:51

Чыныгы эрк чыныгы дух элге куйгон адам... 120 адамдан артык

kechirmeni

2018-04-06 10:09:56

Азаматсын Акаев, колундан келип турганда элине жардам берууну токтотпо, канчалаган депутат соройлор отурушат оозун талканга толтуруп алып, убакыт отсо эсеп, бизнесин коргоп

Dembele84

2018-04-06 10:17:59

Уялчаак киши ушуну коруп уялса болот,ушуга окшогон иштерге башы жетпей,кайдагы детский нерсеге уялып,проблема кылып которуп чыкпай!

ady-88

2018-04-06 10:42:05

Ап бали азаматсын жанра акаев

bolotbeck1983

2018-04-06 12:47:39

Оо, биз дагы карызды кече турган мезгил келиптир да. Демек өнүгүүдөбүз. Антпесе Орусия мынча карызыбызды кечти деген маалыматтарды окуй берип уялып да калдым эле. Көрсө биз дагы карызды кечип коё алат экенбиз.

Комментарий калтыруу үчүн өз ысымыңыз менен кириңиз же каттоодон өтүңүз.