"ЭЛДИК КАБАРга" жооп: Комендант: "Жатакананы дезинфекциялоо боюнча студенттерге эскертилген, эч ким көчөдө калган жок"

Ош технологиялык университетинин жатаканасындагы студенттер көчөдө калган деп окурман "Элдик кабар" рубрикасына билдирүү жөнөткөн эле. Бул боюнча аталган окуу жайдын жатаканасынын коменданты Сардарбек Жусубалиев жооп берди.

"Окуу жайдын жатаканасын дезинфекциялоо боюнча Ош шаардык санитардык-эпидемиологиялык станция тарабынан тапшырма берилген. Кат ушул жылдын 21-февралында жиберилген. Ош шаардык дезинфекциялоо бөлүмү менен ОшТУнун ректору 27-мартта келишим түзүп, анын негизинде дезинфекциялоо иши жүргүзүлгөн. Жатакана "А" жана "Б" блоктон турат. Мындан улам ушул жылдын 30-мартында жатакананын "А" блогуна дары чачканбыз. Бир күн мурда студенттерге түшүндүрүп, ар бир бөлмөнүн ачкычтары вахтага тапшырылган. Дары чачылган күнү "А" блогундагы студенттер "Б" блокко бир күнгө жайгаштырылган.

5-апрель күнү "Б" блокту дезинфекцияладык. Алдын ала студенттерге эскертүү берилип, бөлмөнүн ачкычтары вахтага өткөрүлсүн деген тапшырма берилген. Бирок 4 бөлмөнүн эшиги жабык болгондуктан, аргасыздан кулпусун бузууга туура келген.

Ал эми дары чачкан жумушчулар дарынын жытына ууланып калбаш үчүн студенттердин буюмдары башаламан абалда калган. Бир дагы студент көчөдө калган жок. Анткени алар кайрадан өз бөлмөлөрүнөн орун алышкан", - деди ал.

Сардарбек Жусубалиев студенттин маалыматы чындыкка дал келбейт деп кошумчалады. Ошондой эле дезинфекциялоо иштери июль жана август айларында да жүргүзүлөрүн айтты.

"Жатакананын жобосуна ылайык, анда жашаган студенттер милдеттүү түрдө бөлмөлөрдүн ачкычтарын вахтага таштап кетиши керек. Бул жобону бардык студенттер билишет", - дейт жатакананын коменданты.

Ал эми жатаканада жашаган студент дезинфекциялоо эскертүүсүз жүргүзүлгөнүн айткан.

Автор: Бактыгүл Момбекова

09:58 07-04-2018

Жазылуу

РУБРИКАДАГЫ СОҢКУ КАБАРЛАР

21:12 2025-07-01 | Түркүн дүйнө

Түркияда Мухаммед пайгамбардын карикатурасынын жарыяланышы боюнча иликтөө иштери башталды 339 0

20:55 2025-07-01 | Коом жана турмуш

Ташиев: "Нарын шаарынын жолуна жооптуу "Бета Групптун" жетекчисин столбага байлап койгула" (видео) 854 0

20:26 2025-07-01 | Түркүн дүйнө

Ташиев Нарынга барар алдында жолдордун жасалганы тууралуу маалыматты тактады (видео) 896 0

20:06 2025-07-01 | Коом жана турмуш

Нарын шаарынын негизи 2 көчөсү качан бүткөрүлөрү айтылды (видео) 410 0

19:36 2025-07-01 | Коом жана турмуш

"Оюлган бойдон жатат". Ташиевдин Нарындагы жыйынынан дагы видео жарыяланды (видео) 1250 0

19:03 2025-07-01 | Түркүн дүйнө

Трамп Илон Маскка Түштүк Африкага кайтып кетүүгө кеңеш берди 1258 0

Архив

Комментарийлер (5)

kechirmeni

2018-04-07 10:05:58

Кимге ишенээрини да билбейсин

zhaku2017

2018-04-07 10:20:40

Бир ооздон чыккан сөз, миң оозго барып жетет.

kechirmeni

2018-04-07 10:23:01

4 комнаттын студенттерин такалайт экен да эми ректорат, комендант биригип

Batma08

2018-04-07 15:13:48

Эскииго

pero123

2018-04-08 13:16:23

сардар 1 күн алдын эмес 3-4 күн алдын эскертүү бериш керек эле!!!эми эшигин оңдоп жаңы замок коюп бериш түздөн түз силердин милдетиңер эшикти оңдоп бергиле!

Комментарий калтыруу үчүн өз ысымыңыз менен кириңиз же каттоодон өтүңүз.