"Медресени бүтсө эле имам болуп кетпейт": Диний окуу жайларда балдарга кесиптик билим да берилүүдө

"Медресе жаштарын кесипке үйрөтүү" долбоорунун алкагында Кыргыз өлкөсүндө медресе окуучуларына кесиптик билим берүү долбоорунун үчүнчү этабы ишке ашууда. Бул тууралуу долбоорду ишке ашырып жаткан Айыл жаштарына кесиптик билим берүү (“АВЕП”) коомдук фонду маалымдады.

Маалыматка ылайык, долбоордун алкагында бул жолу Кыргыз өлкөсүндө бардык облустарынан бирден тандап алынган бир катар диний окуу жайлардын тарбиялануучулары ар кандай багыттар боюнча кесиптик билим алышкан. Адистиктер ширетүүчү, ашпозчу, кондитер азыктарын даярдоочу, тигүү тармагы, компьютердик сабаттуулук жана электрик багыттары боюнча үйрөтүлөт.

"Долбоордун биринчи бөлүгү 2015-жылы башталган. Былтыр кесип үйрөткөн курстар Ош, Баткен жана Жалал-Абад облустарын камтып, жалпысынан 300гө чукул медресе окуучулары ар кандай кесиптин ээлери болушкан. Быйыл Муфтият менен Кыргыз Республикасынын Дин иштери боюнча мамлекеттик комиссиясы дагы колдоп, жалпы Кыргыз өлкөсүнүн аймагын камтыганы жатат. Медреселерде окуган жаштарды кесипке үйрөткөн жабдуулар менен камсыздап, окутуп, үйрөтүүгө кеткен чыгымдарды толугу менен грант катары АКШнын Кыргыздагы элчилиги каржылоодо. Кесип үйрөнүүдөн тышкары долбоор жаштарды терроризм, радикализм менен экстремизм коркунучтарынан сактап, жумушсуз жүргөн жаштарды эмгек иш орундары менен камсыздоону көздөйт", - деп жазылат маалыматта.

"АВЕП" коомдук фондунун жетекчиси Нурлан Токоновдун айтымында, медреселердин айрымдарында гана мектеп программасы окутулбаса, көпчүлүгү диний билим берүү менен гана чектелип келе жатышат.

"Жылына медреселерде 2-3 миңден ашык улан, кыздар бүтүшөт. Бирок алар диний билим алганы тууралуу диплом алганы менен, бардыгы эле имам болуп кетпейт. Жумуш табылышы кыйын. Диний окуу жайларга мугалим болуп ишке орношуу дагы кыйын. Диний билим алган туура. Бирок ага кошумча ошол жерде кыска мөөнөт ичинде кесип дагы үйрөнүп чыкса андан бетер жакшы. Үй-бүлөсүн бакканга кошумча акча табуу мүмкүнчүлүгү пайда болуп жатпайбы", - деди Токонов.

Автор: Кызжибек Раимова

08:33 09-04-2018

Жазылуу

РУБРИКАДАГЫ СОҢКУ КАБАРЛАР

23:29 2025-07-02 | Түркүн дүйнө

Маймылга тамеки чектирткен орусиялык мушкер кыз кечирим сурады (видео) 255 0

23:11 2025-07-02 | Түркүн дүйнө

Орусиялык мушкер кыздын маймылга тамеки чектиргени кызуу талкууда (видео) 444 0

22:21 2025-07-02 | Түркүн дүйнө

Индиянын түндүгүндө нөшөрлөп жааган жамгырдын кесепеттеринен 51 адам каза тапты (видео) 383 0

22:11 2025-07-02 | Түркүн дүйнө

Трамп орусиялык бир катар банк, компанияларга карата санкцияларды алды 714 0

21:48 2025-07-02 | Коом жана турмуш

Бишкектеги бала бакчаларда балдардын тамагына каражатты ата-энелер төлөйт 437 0

21:18 2025-07-02 | Түркүн дүйнө

Рэпер P.Diddy эки берене боюнча акталды 385 0

Архив

Комментарийлер (15)

pat12

2018-04-09 09:02:21

Эн туура. Светтик билим да алуулары керек. Болбосо жаш окуучулар ар кайсы мифтерге ишенип алышып фанат болушуп, сакал остуруп, оронушуп кетип жатышат. өтө эле сокур динчил болуп түшүнө ишенип журө бербеш керек.

-3

zhaku2017

2018-04-09 09:20:01

Эгер биздин озубуздун ата бабаларыбыздын осуятынан тузулгон кучтуу жазылган руханий китебибиз болгондо, кыргыздар арабташпай кыргыз эле болуп жашамакпыз. Азыр араб элдеринин кооз жазылган руханий китептерин окуп алышып, арабтардын жашоосу бизге укмуш, сонун сезилип, ошого жараша алардын кийимдерин кийип, маданиятын туурап, ошолордун эле таасири астында калып жатабыз. Арабтар дин - деп коюп бизге чынында, оздорунун гана идеялогиясын, маданиятын бизге таанулап жаткандай сезилет.

-7

PROS

2018-04-09 10:54:59

zhaku2017, үстүңдө кийген бир да кыргыз кийими жок, арабтын кийимин кийдиң деп бирөөгө сын айткандар күйгүзөт да! Араб маданияты бизге жаман нерсени үйрөттүбү? Ошол эле светтикпиз деп кыйкыргандар жакшы көргөн орус маданияты (европа) бизге эмнени үйрөттү??? Сөгүнгөндү, бир жыныстуулардын бири бирине үйлөнүшүн, кыздар жылаңачтанып жүрүшүн ким үйрөтүп жатат, акылдуусунгандар??? Кудайдан коркуп жашаганды үйрөнгүлө!!!

pat12

2018-04-09 13:09:02

PROS,
Элдин баары сен ойлогондой эмес. Светтик адамдар деле жакшанакай уй булоо куруп, бала чонойтуп, билим берип жашап жатышат. Онуккон Европага жетиш кыйын.

nuri1

2018-04-09 09:59:17

Динчилдин арасында билимдин баркы жок, билимдуулордун арасында диндин баркы жок.

Dalil

2018-04-09 10:33:57

Ислам дини эч бир улутту бири-биринен жогору койбойт. Ошол эле убакта арабдардын кийгенин кий деп таңуулаган жери жок. Арабдашкыңар келбей нукура кыргызча калгыңар келсе эмнеге анда европалашып кетип жатабыз? Же биздин чоң-энелерибиз шым,мини юбка кийип киндигин ачып жүрчү беле, же көчөдө эл көзүнчө кучакташып өбүшүп жүрчү беле? Ошондо деле күн ыссык болгон бирок жакшынакай эле узун кийинишип ыймандуу болушкан. Анткени азыркыга караганда исламды катуу кармашкан. Элде бири-бирине сый-урмат болгон

Ka2sr1

2018-04-09 10:42:44

Эки молдо бир киши, бир молдо жарты киши. Ырысы жок эл - ырымчыл, динчил. Карангы элге молдо башчы.

Bilal2013

2018-04-09 12:26:38

Ka2sr1, Мелдешесинби, светтик илимди эн жакшы окуган бала менен диний илимди эн жакшы окуган баланы алып, экоону тен 2 ай даярдап, анан светтик илимдер боюнча жарыштырсан диний илимди окуган бала женишке жетет. Анткени диний илимди окугандар зээндуу жана эрки ото кучтуу болушат.

-1

zhaku2017

2018-04-09 12:52:24

Чала жорго жолду бузат, чала молдо элди бузат.

azimbaeva1989

2018-04-09 12:54:46

Билим илим ашып туруп ыйман жок болсо. илимди акча табуу учун пайдалансан анда адашкансын.

pat12

2018-04-09 13:00:26

azimbaeva1989,
Ыйманды жамынып алышып арабтардын идеясын тутпаш керек. Ыйман деген туз жур, ууру кылба, ушак айтпа дегенди билдирет. Бизде ыйман десе арабтырдын тилине кирип, молдолор тур десе туруп, бас десе басып, жат десе жатып айдама болуп журушот

aydinnur

2018-04-09 16:32:30

Көбүн жабыш керек болчу,бок ооз, радикал жаштардын баары ушундай жерлерден чыгып ФБда каяша айткан адамдарды мусулманчылыктан чыгарып коюп олтурушат (((

Комментарий калтыруу үчүн өз ысымыңыз менен кириңиз же каттоодон өтүңүз.