Аз камсыз болгон 1000ден ашуун үй-бүлөгө турак жай куруп берген мушкер Мэнни Пакьяо

Филиппиндиктер үчүн №1-адамга айланган мушкер, бокс боюнча Дүйнө чемпиону Мэнни Пакьяо (толук аты-жөнү Эммануэль Дапидран Пакьяо) 1978-жылы 17-декабрда Филиппинде жайгашкан Букиднон провинциясынын Танго айылында жарык дүйнөгө келген.

Пакьяого чейин дүйнөлүк бокстун тарыхында Филиппинден бир дагы Дүйнө чемпиону чыккан эмес. Жакыр жана көп балалуу үй-бүлөдө чоңойгон мушкер 12 жашынан тартып иштей баштаган. Ал алгач таттуу токочторду сатып иштеген. Пакьяонун таякеси анын жумушка болгон жоопкерчилиги жана алдыга умтулуусу жогору болгонун кийин айтып берген.

Өспүрүм Пакьяо белгилүү мушкерлер Майк Тайсондун жана Бастер Дугластын беттешин көрүп шыктанып бокс менен машыга баштаган. Айрым маалыматтарга караганда, иштеп жүргөн учурунда Пакьяо үйүнөн кетип калган. Анын үйдөн кетүүсүнө узак убакыттан бери үйүнө келбей, үй-бүлөсүнө каралашпай жүргөн атасы келип мушкердин эң жакшы көргөн күчүгүн союп жеп салгандыгы түрткү болгон. Дал ушул күндөн тарта тирүү легендага айланган Пакьяо бокс менен жигердүү алектене баштаган.

Ал бокс менен машыгып дүйнөгө таанымал гана болбостон, өзүнө жаккан иш менен акча таап, аз камсыз болгон үй-бүлөлөргө жардам берип, мамлекети үчүн көптөгөн иштерди жасоону көздөгөн.

Пакьонун өжөрлүгү жана алдыга умтулуусу анын дүйнөдөгү 8 салмак ченинде чемпион болгон жалгыз мушкер болуусуна алып келген. Мындан сырткары ал саясатка аралашып шайлоодо жеңишке жетишкен. Өзүнүн спорттук карьерасындагы эң алгачкы акча каражатына Танго айылындагы аз камсыз болгон бир нече үй-бүлөгө үй куруп берген. Убакыттын өтүшү менен жана акча каражатынын көбөйүшү менен, Мэнни Пакьяо өзүнүн туулуп-өскөн айылына 1000ден ашуун үй салып, ал аймакты "Пакман-вилладж" деп атаган.

Мушкер аталган аймакта жашаган өспүрүм балдар жаман жолго түшүп, баңгизаттарын сатып жана колдонбосун деген үмүттө спорттук аянтчаларды, сейил багын жана көп функционалдуу борбор ачкан.

Мэнни Пакьяо: "Биздин өлкө жаңы баатырларга муктаж. Менин жашоомдогу эң оор кармаш - бул рингдеги кармаш эмес, бул менин өлкөмдөгү жакырчылык менен болгон күрөш".

Автор: Айзада Тураркулова

10:20 09-04-2018

Жазылуу

РУБРИКАДАГЫ СОҢКУ КАБАРЛАР

01:54 2025-07-02 | Түркүн дүйнө

Ийри чуркоо... Трамп кармоочу жайдан качууну көздөгөн мигранттарга кеңеш берди (видео) 59 0

01:23 2025-07-02 | Түркүн дүйнө

Путин менен Макрон 3 жылдан соң телефон аркылуу сүйлөшүү өткөрүштү 116 0

01:13 2025-07-02 | Түркүн дүйнө

Трамп Илон Маскты депортациялоону караштырарын айтты 209 0

00:44 2025-07-02 | Түркүн дүйнө

Данияда айымдар милдеттүү түрдө аскерге чакырыла баштайт 209 0

00:26 2025-07-02 | Коом жана турмуш

Кечки көрүнүш... Бишкекте жасалгаланган Айтматов көчөсүнүн ачылышы жакында болору айтылды (видео) 311 0

00:15 2025-07-02 | Түркүн дүйнө

Мексиканын бир шаарынын мэри крокодилге үйлөндү (видео) 437 0

Архив

Комментарийлер (10)

kechirmeni

2018-04-09 10:25:49

Эркек экен, бул адам президент болсо барбы, Филиппин тез эле онугуп кетсе керек эле. Ушундай адамдардан бизге 5-10 болсо жетет эле, 120сынын кереги жок эле

+20

PROS

2018-04-09 10:35:06

Азамат экенсиң Пакьяо! Ф. Мэйвезер менен беттешинде калыстар Мэйвезерге тартып коюшкан, жеңген болчу!

aiba.8327

2018-04-09 10:45:52

охоо бизден да чыгар бекен ....

nuri1

2018-04-09 11:05:08

Булардын бир эле мушташы миллиондогон доллар. Ошондуктан жардам бере алышат. Бизде бироону кой, оздору аран жашап жатышат. Бизде биринчилике бир тоок менен сыйланат.

-7

Jelezo

2018-04-09 11:33:51

Айдар Акаев, Максим Бакиев, Ө Бабанов окуп алып намыстанып кетишбегей эле.

Nevestkaa

2018-04-09 11:34:59

Сооптун түбүндө калыптыр азамат.Чакан эле үй куруптур,ушундай кипкичинекей үйдө да бактылуу жашаса болот бизде хан сарай кылып үй тургузуп өздөрү 2 комната времянкада жашайт. (Бир боксер да өлдү эле го девушкасынан подозрения кылган,мен ушул Пакьяо деп жүрүпмүн го ал кайсы боксер эле билгендер айтып койгулачы)

Matahara1980

2018-04-09 17:18:36

Nevestkaa,Arturo Gatti emespi

akylbekkg

2018-04-09 11:38:53

Биздикилер аял алганга шашмак Алмазбек Раимкуловко окшоп!

+12

aydinnur

2018-04-09 12:06:58

Азамат, азамат, жана да азамат!!! башка сөз жок...

bond02

2018-04-10 00:16:48

атандын гору, эркек болсо сендей болоор.

Комментарий калтыруу үчүн өз ысымыңыз менен кириңиз же каттоодон өтүңүз.