Казакстандык 5 жаштагы Ернар карыядай көрүнөт. Буга ата-энеси алыс туугандардан болгонубуз себеп дешет

Казакстандын Астана шаарында жашаган 5 жаштагы Ернар Алибеков наристе болгонуна карабастан 60-70 жаштардагы адамдардай көрүнөт. Ернардын дарты тууралуу казак маалымат каражаттары жазып чыгышкан.

Маалыматка ылайык, Ернар Алибеков төрөлгөндөн бери тубаса дарт менен алышып келет. Дарыгерлер Ернарга “былбырак тери синдрому” деген диагноз коюшкан. Теңтуштарынан эрте карыган Ернар Алибеков келечекте белгилүү шахматчы болгусу келерин айтат. Ернардын атасы ширетүүчү болуп иштеп, үй-бүлөсүн багат.

Ернардын апасынын айтымында, алар Астанада чакан бир бөлмөлүү батирде 50 миң теңге төлөп жашашат. Ернар башка да оорулар менен жабыркайт.

Анын апасы: "Ернар жакшынакай эле төрөлгөн, кийин эле дарыгерлер толтура диагноздорду коюп, баламдын оорулуу экенин айтышты. Анын жүрөк кемтиги, астма оорусу бар, ошон үчүн да учакта көп жүрө албайт. Шарт болсо чет өлкөгө барып пластикалык операция жасаталы дегенбиз. Бирок ага көп акча кетет экен. Мамлекеттен батир алуу боюнча кезекте турабыз, бирок бизге кезек такыр эле жетпей койду”, - деп айткан.

Айта кетсек, Ернардын ата-энеси Ташкент шаарынан көчүп келишкен. Баласынын оорулуу төрөлүп калганын алар дарыгерлердин айтканына таянып, алыс туугандардан болгону менен түшүндүрүшөт.

Автор: Лунара Бекиева

09:31 12-04-2018

Жазылуу

РУБРИКАДАГЫ СОҢКУ КАБАРЛАР

01:54 2025-07-02 | Түркүн дүйнө

Ийри чуркоо... Трамп кармоочу жайдан качууну көздөгөн мигранттарга кеңеш берди (видео) 59 0

01:23 2025-07-02 | Түркүн дүйнө

Путин менен Макрон 3 жылдан соң телефон аркылуу сүйлөшүү өткөрүштү 116 0

01:13 2025-07-02 | Түркүн дүйнө

Трамп Илон Маскты депортациялоону караштырарын айтты 209 0

00:44 2025-07-02 | Түркүн дүйнө

Данияда айымдар милдеттүү түрдө аскерге чакырыла баштайт 209 0

00:26 2025-07-02 | Коом жана турмуш

Кечки көрүнүш... Бишкекте жасалгаланган Айтматов көчөсүнүн ачылышы жакында болору айтылды (видео) 311 0

00:15 2025-07-02 | Түркүн дүйнө

Мексиканын бир шаарынын мэри крокодилге үйлөндү (видео) 437 0

Архив

Комментарийлер (5)

ziash85

2018-04-12 09:50:17

Сакайып кетсин ылайым ,ата-энеси бир жакшынакай жубайлар экен,сабыр берсин.күчтүү болгула демекмин.байкуш баланы келечекте кандай азаптар күтүп турат экен аттиң...себеби азыр адамдар жүрөгүнө эмес келбетине карап мамиле кылып калышпадыбы

+38

nemo2016

2018-04-12 13:55:08

Эч бир адамдын башына тушпосун.Аллахым шыпасын берип.

Aitun

2018-04-12 18:13:18

Загодочная истормя Бенджемна деген кинодогудай экенда

muslim87

2018-04-12 21:19:43

Пайгамбарыбыз Мухаммад (сав)14 кылым мурун айткан балдарыңардын денсоолугу чын төрөлүүсү үчүн тууганыңарга үйлөнбөгүлө деп. Батыш өлкөлөрүндө да ар кандай наристелердин төрөлүүсү көп кездешет аларда ушундай себептерден улам болот

Комментарий калтыруу үчүн өз ысымыңыз менен кириңиз же каттоодон өтүңүз.