Парламент комитетинде сим-карта саткандардын жоопкерчилигин жогорулатуу сунушталууда

Бүгүн, 17-апрелде Жогорку Кеңештин Транспорт, коммуникациялар, архитектура жана курулуш боюнча комитетинин жыйынында сим-карта саткандардын жоопкерчилигин жогорулатуу сунушталып жатат.

Маалыматтык технологиялар жана байланыш мамлекеттик комитетинин төрагасынын милдетин аткаруучу Медербек Курманбековдун айтымында, "Администрациялык жоопкерчилик жөнүндө" кодексте уюлдук операторлор менен жарандардын жоопкерчилиги толугу менен каралбай калган. "Азыр тийиштүү мыйзамга, кодекске жоопкерчилик боюнча өзгөртүү киргизип жатабыз. Анткени операторлор бир кардарга 100 сим-карта сатууга укуктуу. Ал эми аны сатып алган кардар да кимге канча сатса өз эрки болуп жатат. Ошондуктан муну жоюуга аракет кылып жатабыз", - деди Курманбеков.

Депутат Улукбек Ормонов кардарлардын эмес, уюлдук операторлордун гана жоопкерчилигин жогорулатуу жетиштүү экендигин белгиледи.

Депутат Алтынбек Жунус уулу да каршы пикирин айтты. "Кардар сим-картасын башка бирөөгө берген учурда айып салынат деп жатасыздар. Мен буга кошулбайм. Себеби айрым учурда бирдигиң түгөнүп калып башка бирөөнүн телефонунан чалып каласың. Сим-карта кимге катталса ошол адам гана жооптуу болушу керек", - деди Жунус уулу.

Автор: Жамалидин Парманкулов

11:57 17-04-2018

Жазылуу

РУБРИКАДАГЫ СОҢКУ КАБАРЛАР

09:54 2025-07-02 | Түркүн дүйнө

Зеленский Азербайжанды колдоду 161 0

09:46 2025-07-02 | Саясат

Балыкчы шаарынын мэри алмашты 157 0

09:42 2025-07-02 | Кылмыштар, кырсыктар

Бишкектеги Республикалык стоматологиянын менчиктештирилип кеткен имараты мамлекетке кайтарылды 72 0

09:33 2025-07-02 | Кылмыштар, кырсыктар

Баткенде аткезчилик фактысына бөгөт коюлду 160 0

09:30 2025-07-02 | Түркүн дүйнө

USAID тышкы жардам берүү программаларын ишке ашырууну токтотту 88 0

09:26 2025-07-02 | Түркүн дүйнө

Германияда Палестина үчүн акча чогултуп, өзүнө короткон блогерге кылмыш иши козголду 311 0

Архив

Комментарийлер (3)

Sarinakg

2018-04-17 12:07:29

Сим-картаны койо туруп жолок пулду тезираак карап беришсе болмок

tmttmt

2018-04-17 13:19:13

Sarinakg,Жөлөк пулга жаңы эле бизге келип кетишти
үйүңөн бери текшеришет экен таң калдым
катып койбодуңарбы дегендечи
эми качан чыгар экен деп калдым
менин таң каалганым кош коштоп машина айдагандар алатда бизге окшоп холодилниги жок оотургандарды текшерүү менен бергенине

Sarinakg

2018-04-17 13:35:27

tmttmt,эптеген алып жатат экенда коруп эле жатавыз тагинда машинасы,мугалим болуп куйоо иштейт пасобия алат экен

Комментарий калтыруу үчүн өз ысымыңыз менен кириңиз же каттоодон өтүңүз.