ИИМ: "Милиция бөлүмүндө бычакталып каза болгон кыздын окуясына укуктук бааны УКМК менен Башкы прокуратура берет"

Милиция бөлүмүндө бычакталып каза болгон кыздын окуясына байланыштуу иликтөө иштерин ички иштер министри Кашкар Жунушалиев жеке көзөмөлүнө алат. Бул тууралуу бүгүн, 1-июнда аталган мекеменин маалымат кызматынан кабарланды.

Мекеменин билдиришинче, кылмыш иши катталгандан бери эле иликтөө министрдин жеке көзөмөлүнө алынган.

"Бул иш боюнча биз кызматтык иликтөө жүргүзүп, окуя кандай болгонун гана аныктай алабыз. Ал эми милиция кызматкерлерине карата козголгон кылмыш ишин биздин үстүбүздөн Башкы прокуратура же УКМК карап, укуктук баа берет", - деди маалымат катчы.

Эске салсак, 27-май күнү түндө 29 жаштагы жигиттин кызды ала качып бара жаткандыгы боюнча Биринчи Май РИИБине кабар келип түшкөн. Мындан көп узабай Сосновка айылындагы посттон Чүй ОИИББинин кызматкерлери Subaru Outback үлгүсүндөгү унааны токтотушуп, жигиттин 20 жаштагы кызды үй-бүлө куруу максатында ала качып бара жатканын аныктап, Жайыл РИИБине жеткиришкен. Милиция бөлүмүндө жигит кызга, андан соң өзүнө бычак сайып, оор абалда экөө тең ооруканага жеткирилген. Кыз алган жаракатынан улам көз жумган. Ал эми жигиттин кесиптештери анын ичимдик ичпеген, ишине так бала экенин билдиришкен.

Бул иш боюнча Жайыл РИИБинин кызматкерлерине Жайыл райондук прокуратурасы тарабынан Кылмыш-жаза кодексинин 316-беренеси (шалаакылык) боюнча кылмыш иши козголгон.

Автор: Сталбек Абдижалил уулу

18:48 01-06-2018

Жазылуу

РУБРИКАДАГЫ СОҢКУ КАБАРЛАР

13:47 2025-07-05 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 3190 0

13:01 2025-07-05 | Коом жана турмуш

Жеңишбек Токторбаев Ош шаарында дагы бир сейил бакты ачты 386 0

12:12 2025-07-05 | Коом жана турмуш

Бишкектин Тунгуч кичи районунда убактылуу ысык суу берилбейт 159 0

11:20 2025-07-05 | Кылмыштар, кырсыктар

УКМК Ноокаттагы мурдагы айыл өкмөт башчысын кармады 803 0

11:13 2025-07-05 | Түркүн дүйнө

АКШнын Техас штатында селден кеминде 24 адам каза болду 417 0

10:17 2025-07-05 | Коом жана турмуш

Чоң Чүй каналында 50 жаштагы жаран изделүүдө 360 0

Архив

Комментарийлер (4)

asman.81

2018-06-01 18:59:42

Акыйкат каралышы керек.Коркуткан учун ал бала менен турмуш куруудан качкан да кыз.Кудайдын улуу кунундо,суйлошуп жургон деп баланы актап атышат жалган айтып,кесиптештери.Суйлошуп журсо макул болот эле да кыз.Ушундай зоокурлугунон отузга чыккыча кыз тийбей жургон да.Жапжаш чырактай кыз экен.Бейишин берсин!

futboler

2018-06-01 20:02:44

Бириңе бириң баа берет деп отурбай, жазасын бергиле, өмүр бою эркинен ажыратып

asman.81

2018-06-01 22:15:01

Минус баскан адам кесиптештери окшойт.Калпына арданып минусту шилтей коюптур.!!!

Azamat_15

2018-06-03 07:10:29

УКМК укуктук баа бергидей надзорный орган беле?Прокуратура берет укуктук бааны.УКМК террористерди кармасын

Комментарий калтыруу үчүн өз ысымыңыз менен кириңиз же каттоодон өтүңүз.