"Ош базарына" жаңы соода объекти курулат

Бишкектеги "Ош базарына" жаңы курулуш жүргүзүү үчүн иш башталды. Мэриянын маалыматына ылайык, жаңы объект буга чейин күйүп кеткен "Берекет" базарынын ордуна курулат.

"Учурда курулуш үчүн жерди даярдоо, казуу иштери башталды. Буга чейин Сейсмология институту экспертиза жүргүзүп, пайдубалдары да жарактан чыкканын аныктаган. Жаңы объект мүмкүн болушунча кыска убакыт аралыгында курулуп бүткөрүлөт. Андан кийин өрттөн жабыркаган соодагерлер орундар менен жеңилдетилген негизде камсыздалат, 6 айга чейин алар орундарга акы төлөшпөйт", - деп жазылат маалыматта.

Эске салсак, 13-апрелде "Ош базарындагы" "Берекет" соода түйүнүнөн түнкү саат 3:00дөр чамасында өрт чыккан. Өрттү өчүрүү үчүн 14 техника жана 96 өрт өчүрүүчү кызматкер тартылган. Алынган маалыматтар боюнча, базардын 5 миң 400 чарчы метр жери күйүп кеткен. Өрт катталганын уккан айрым соодагерлер эртерээк келип, контейнердеги товарларын сыртка чыгарууга аракет кылышкан. Айрым сатуучулардын товарлары дээрлик күйүп кетип, күлгө айланган. Ал эми 24-апрелде "Ош базарындагы" "Берекет" соода борборунун директору жана имараттын өрт коопсуздугуна жооп берген кызматкери камакка алынган. Буга чейин да "Ош базарынан" 2 ирет өрт чыгып, соодагерлер материалдык чыгым тартышкан. ӨКМ биринчи жолку кырсык өрт коопсуздугу сакталбаган электр зымдарынан чыкканын, 2-жолкусунда атайын кимдир бирөө тарабынан өрттөлгөнүн билдирген. Алдын ала айтылган маалыматтар боюнча, бул ирет да базар атайын өрттөлүшү мүмкүн экенин аталган мекемеден билдиришкен.

Автор: Кызжибек Раимова
Фото: Бишкек шаардык мэриясы

18:15 18-06-2018

Жазылуу

РУБРИКАДАГЫ СОҢКУ КАБАРЛАР

16:37 2026-04-29 | Коом жана турмуш

Кыргызстан Кытай менен кызматташтыкты бекемдейт 7 0

16:27 2026-04-29 | Түркүн дүйнө

Трамп Иранды келишим түзүүгө шашылууга чакырды 75 0

16:25 2026-04-29 | Кылмыштар, кырсыктар

Бажы эрежеси бузулуп, бюджетке 2,6 миллион сом кайтарылды 51 0

15:55 2026-04-29 | Коом жана турмуш

Өзгөндөгү бала бакчада болгон окуядан улам директор кызматтан алынды 311 0

15:51 2026-04-29 | Кылмыштар, кырсыктар

Ошто кесиптеш кызга басым көрсөтүшкөн милиция кызматкерлерине чара көрүлдү 310 0

15:49 2026-04-29 | Коом жана турмуш

Бишкек шаары 148 жашта! Бүгүн борбор калаанын туулган күнү 123 0

Архив

Комментарийлер (4)

JOM

2018-06-18 18:30:01

ошончо элди кыйнабай эле,орттобой эле,жоон эле айтсанар болмокта,ыраззы болбогондорго жакшылаап ыраазы кылып дегендей,мейли эми кидин бизнеси болсода,ынсап берип тушкон акчасынан ,муктаждар менен болушуп турсун,бир жагынан да жакшы,соода борбору болсо таза болп да калат,заманбап болп.

Dalil

2018-06-18 19:04:15

Ушундай болсо керек деп ойлогон элем. Бул оюнуңардын айынан канчасын карызга батырдыңар.

Дарыгер

2018-06-18 19:05:29

Мына өрттөлгөнүнүн себеби...

KAYRATBEK

2018-06-18 19:49:02

Иретке келтирбесенер болбой калды бут баары советтер союз маалында курулган имараттар. Суротту карап Кыргызстан тескерисинче аркага кетип калгандай корунот.

-1

Комментарий калтыруу үчүн өз ысымыңыз менен кириңиз же каттоодон өтүңүз.