Сүйүктүүсүнүн үйлөнүү тоюна үлпөт көйнөгүн кийип келген кыз чуу жаратты

Сүйүктүүсүнүн үйлөнүү тоюна үлпөт көйнөгүн кийип келген кыз чуу жаратты. Бул тууралуу чет элдик маалымат каражаттары жазып чыгышты.

Маалыматка ылайык, окуя Түштүк Африка Республикасынын Бенони шаарында орун алган. Анда белгисиз кыз ага калп айтып башка кызга үйлөнүп жаткан сүйүктүүсүнүн тоюна үлпөт көйнөгүн кийип той өтүп жаткан маалда кокусунан кирип келген. Окуяны жөнгө салуу үчүн анын жанына чуркап барып, мамилесин чечише баштаган жигитти үйлөнө турган колуктусу да үлпөт көйнөкчөн нике каттоочу жерде күтүп турган.

Тойго келген коноктор бул көрүнүштү күлкү жана кол чабуулар менен коштоп, бул үлпөт той алардын эсинде түбөлүккө сактала турганын билдиришкен.

Көпчүлүк интернет колдонуучулар колукту кызга боору ооруп аяшса, экинчи кыздын мындай чечкиндүү, чуулгандуу кадамга барганына таң беришкен.