Орусиялыктар пенсия курагын жогорулатууга каршы. Москва мэриясы нааразычылык митингдерин өткөрүүгө тыюу салды

Орусиянын Москва шаарында пенсия курагынын көтөрүлүшүнө каршы митинг өткөрүүгө тыюу салынды. Бул тууралуу орусиялык басылмалар мэриянын өкүлүнө таянып жазып чыгышты.

Маалымат боюнча, Москва мэриясынын аймактык коопсуздук жана коррупцияга каршы аракеттенүү департаментинин башчысы Владимир Черников мындай чечим Орусияда өтүп жаткан футбол боюнча Дүйнө чемпиондугуна байланыштуу кабыл алынганын айтты.

Мэрия жетекчилиги жарандарды аталган чечимге сый мамиле жасоого чакырган.

Буга чейин шаар башчылыгына пенсия курагын көтөрүү демилгеси боюнча митинг өткөрүүгө уруксат сурап Либертариян, "Алма" партияларынан, бир нече кыймылдардан жана оппозиционер Александр Навальныйдын тарапташтары тарабынан арыздар келип түшкөн.

Эске салсак, Орусиянын өкмөтү пенсия курагын аялдар үчүн 63 жашка, эркектер үчүн 65 жашка жогорулатууну сунуштоодо. Аталган реформа этап менен ишке ашырылып, 2019-жылдан башталмакчы. Аялдардын пенсия курагын жогорулатуу 2028-жылга чейин, ал эми эркектердики 2034-жылга чейин ишке ашырылат.

Аталган мыйзам долбоорун Мамлекеттик Дума 19-июлда биринчи окууда карамакчы. Акыркы чечимди кабыл алуу күз мезгилинин башына барып такалары айтылууда.

Учурда Орусияда аялдар 55, эркектер 60 жаштан пенсияга чыгышат. Пенсиянын орточо көлөмү 14 миң 414 рубль.

Айта кетсек, Кыргыз өлкөсүндө аялдар 58 жаштан, эркектер 63 жаштан пенсияга чыгышат.

Автор: Бектур Токтоноев

08:22 22-06-2018

Жазылуу

РУБРИКАДАГЫ СОҢКУ КАБАРЛАР

19:16 2025-05-19 | Кылмыштар, кырсыктар

Ысык-Көл менен Нарында болгон шамалдын кесепеттери маалым болду 108 0

18:45 2025-05-19 | СОТТУК ИШТЕР

Талас Бегалиев жана анын шериктери 12-июлга чейин камакка алынды 525 0

18:06 2025-05-19 | Саясат

Садыр Жапаров чет мамлекеттердин БУУдагы туруктуу өкүлдөрүн кабыл алды 165 0

17:54 2025-05-19 | Кылмыштар, кырсыктар

Кылмыштуу топту каржылаган деген шек менен Талас Бегалиев жана дагы эки жаран кармалды 759 0

17:27 2025-05-19 | Бизнес-Инфо

Huawei Берлинде колго тагылуучу инновациялык гаджеттердин жаңы доору келгенин жар салып, бренддин тагынып жүрүүчү түзүлүштөрүнүн жаңы линейкасын сунуштады 313 0

17:24 2025-05-19 | Саясат

"Чай ичип эле кетишет". Депутат Саламаттыкты сактоо министрлигинин кызматкерлерин сынга алды (видео) 680 0

Архив

Комментарийлер (2)

almanbetperm

2018-06-22 09:39:40

Бул деген жылдар бою пландалып келген, футболду шылтоо кылып

pixduel1

2018-06-22 10:32:37

almanbetperm,туура,эл футбол м/н аалек болуп жатканда закон кабыл алып койду,даже алар митингди жогору жак уруксат берсе откорот,бул акылга сыйбаган иш.Пенсия курагын жогорулатканы акысы жок, бул элдин оздору жылдап токкон налогу! Бул нерсеге коз жумулса анда налог толоп эмне? Биздикилер укпасын...

Комментарий калтыруу үчүн өз ысымыңыз менен кириңиз же каттоодон өтүңүз.