Ысык-Атадагы 52 жаштагы таксист моюнуна бычак сайылып мыкаачылык менен өлтүрүлгөн

Чүй облусунда дайынсыз болуп изделип жаткан 52 жаштагы Ч.Б. аттуу таксист мыкаачылык менен өлтүрүлгөн. Бул тууралуу SUPER.KG'ге 7-августта Чүй облустук ички иштер башкармалыгынын басма сөз өкүлү Нургүл Нусупова кабарлады. Анын айтымында, маркумдун моюнуна жана бир нече жерине бычак сайылган.

Маалым болгондой, факты боюнча Кыргыз Республикасынын Кылмыш-жаза кодексинин 97-беренесинин (адам өлтүрүү) негизинде кылмыш иши козголуп, экспертиза дайындалды жана тергөө иштери башталды.

"6-август күнү Ысык-Ата районундагы Жээк айылынын 51 жаштагы Ч.М. аттуу тургуну райондук милицияга кайрылып, 52 жаштагы Ч.Б. аттуу күйөөсү 5-август күнү Хонда Одиссей үлгүсүндөгү унаасы менен саат 19:30 чамаларында үйдөн чыгып кеткен бойдон кайрылып келбегенин айтып, издөөгө жардам берүүнү өтүнгөн. Жазылган арызда Ч.Б. такси айдап жүрүп ошол бойдон дайынсыз жоголгону көрсөтүлгөн. Издөө иштеринин алкагында 6-август күнү саат 21:50 чамасында изделип жаткан Ч.Б. аттуу адамдын унаасы Кант шаарына жакын жердеги Хунчи айылынан табылган. Унааны кароодо кандын тактары болгон. Издөө иштерин улантуу учурунда 7-август күнү эртең мененки саат 9:00 чамасында Кант шаарына жакын жердеги айдоо талаасынан Ч.Б.нын бычакталып каза болгон жансыз денеси табылды. Бычак маркумдун моюнуна жана денесинин бир нече жерине сайылган", - деди Нусупова.

Нусупова учурда кылмыштын бетин ачуу үчүн ИИМ, ОИИББ жана РИИБдин тажрыйбалуу кызматкерлеринен турган ыкчам-тергөө тобу түзүлгөнүн кошумчалады.

Автор: Жамалидин Парманкулов

07:31 08-08-2018

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 1361 0

17:26 2025-05-07 | Саясат

Садыр Жапаров Москвадагы Жеңиш парадына катышат 1532 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 2479 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1592 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1602 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1929 0

Архив

Комментарийлер (1)

Frunze2

2018-08-07 18:23:33

Очошкон эле бири...

Тоноону максат кылган бири болсо унаасын айдап кетип сатып жиберет беле?

Же жол акы боюнча айдоочу менен жургунчу арасында чыр чыккан болушу мумкун...

Эмне болгон кундо да, адам омуру оюнчук болуп калганы окунучтуу...

Комментарий калтыруу үчүн өз ысымыңыз менен кириңиз же каттоодон өтүңүз.