Кыргыз жеринде туулган футболчу Ильзат Ахметов Орусиянын жаштар курамасы менен Македония курамасына гол киргизди

Кыргыз жеринде туулган футболчу Ильзат Ахметов Орусиянын жаштар курамасы менен Македонияга гол киргизди. Беттеш 2019-жылы өтүүчү Европа чемпиондугунун алкагында Тула шаарында өттү.

Ильзат Ахметов аталган беттеште негизги курамда чыгып, 14-мүнөттө эсеп санын ачканга жетишти. Македония курамасынын коргоочусу дарбазанын алдынан ката кетирип, Ахметов аны колдонуп эсепти 1:0 кылып кетти.

Орусиянын жаштар курама командасы Македонияны жалпы 5:1 эсеби менен утуп алды.

Жаштар арасындагы Европа чемпиондугу 2019-жылы жай мезгилинде Италия жана Сан-Маринодо өтөт.