ЖЫЛНААМА, 22-НОЯБРЬ: Жыл өткөн сайын жашарган корей актрисасы Соң Хйе Кйо 37 жашка чыкты. Анын сыры жигиттердеби?

Корей дорама сүйүүчүлөрү биринчи көргөн сериалы катары көбүнесе 3 сериалды айтышат. Алар: "Кышкы соната", "Ва банк" жана "Мыкты жигиттер". Булардын ичинен "Ва банк" 2003-жылы чыккан. Анда баш каармандардын биринин ролун жараткан актриса атагы алыска тарап, атактуулугу баш айланткан ошол жылы Соң Хйе Кйо 22 жашта эле. Арадан 15 жыл өттү. Соң Хйе Кйо ошондой эле фотошопсуз сулуу.

Актрисанын окуучулук курагы.
Жолдошу өзүнөн 4 жашка кичүү экендиги эми эле талкууланып бүткөндө буга кошумча 12 жаш кичүү актёр Пак Бо Гом менен чогуу тартылган жаңы сериалы стартта турат. "Бойфренд" деп аталган дорамада Соң Хйе Кйо менен Пак Бо Гом бардык каршылыктарга карабай, бири-бирине ашык болуп калган кыз-жигиттин образын жаратышат. Сериалдын көрсөтүлүшүнүн алдында кечээ, 21-ноябрда Түштүк Кореяда маалымат жыйын өткөрүлдү.

1981-жылы төрөлгөн актриса карьерасын кино талаасынан эмес, моделдиктен баштаган. “Көздүү мончок жерде калбайт” демекчи, сынактан көзгө илинген өспүрүм кызды 1996-жылы “Бактылуу таң” деген сериалга тартылууга чакырышкан. Бирок ал корей сериал сүйүүчүлөрүнө 2000-жылы жарыкка чыккан “Күз жомогу” ("Жүрөгүмдөгү күз") аркылуу гана таанылат.

Ал эми 2003-жылы көрсөтүлгөн кумар оюндары жөнүндөгү “Ва-Банк” сериалынан кийин Соң Хе Кйонун сүймөнчүк катары статусу биротоло бекемделип, атагы ого бетер артат.

2004-жылы анын катышуусундагы “Жылуу уя” сериалы эл алдына тартууланган. Ушул сериалдан кийин 2013-жылга чейин дагы бир дорамага жана бир нече тасмаларга тартылган. Анын айрымдары мактоого арзыса, айрым ролдору көз жаздымда калган. Бирок 2013-жылы чыккан "Ушул кышта шамал согот" сериалы актрисаны кайрадан атактуулукка бөлөгөн. Анда актриса көзү азиз кыздын образын жаратып, белгилүү актёр Чо Ин Сон менен башкы каармандардын бирин эсте каларлык ойногон.

2016-жылы кезектеги хит сериалга "Күндүн мураскерлерине" тартылган. Аталган дорама атактуулугун гана арттырбай, актрисага аялдык бакытын да таап берген. Ага чейин "Ва банктагы" И Бёң Хон, "Алар жашаган дүйнө" аттуу сериалда чогуу тартылган актёр Хён Бин менен кыз-жигиттик мамиле курган. Бирок актрисанын жүрөгүн багындырган, нике шакегин колуна салган мырза - актёр Соң Жуң Ки болду.

22-ноябрдын жылнаамасы.

"Бойфренд" сериалынын тизери

Жыл өткөн сайын жашарган корей актрисасы Соң Хйе Кйо 37 жашка чыкты

Автор: Гүлзахира Дөөлөталы кызы

01:00 22-11-2018

Жазылуу

РУБРИКАДАГЫ СОҢКУ КАБАРЛАР

18:52 2025-05-06 | Саясат

Садыр Жапаров Ала-Арча паркында эл менен жолукту (видео) 1788 0

18:32 2025-05-06 | Коом жана турмуш

Бүгүн кечинде Бишкектин айрым көчөлөрү жабылат. Себеби 915 0

18:13 2025-05-06 | Коом жана турмуш

7-майда Жибек Жолу проспектинин жабылган бөлүгү ачылат 709 0

18:06 2025-05-06 | Кылмыштар, кырсыктар

Гүлчө дарыясына агып кеткен кыздын сөөгү табылды 1758 0

17:25 2025-05-06 | Коом жана турмуш

Чүйдө мыйзамсыз соода-сатыкка каршы рейд жүрүүдө (видео) 775 0

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүшүүдө 802 0

Архив

Комментарийлер (9)

Matahara1980

2018-11-22 04:05:12

Aiabai suluu kyz eken, suluuluktu beriptirda jaratylysh

Snikers18

2018-11-23 11:08:00

Matahara1980, Корейлердин көпчүлүк эркектери, кыздары жаратылыштын сулуулугу эмес, пластикалык операция менен беттерин сулуулашат. Ата-энелери балдарынын сулуулугуна мектепке барганга чейин эле кам көрүшөт. Себеби алардын карьерасында сулуулук башкы рольду ойнойт. Ошондуктан азыркы учурда корей эркектери келечектеги балдарына пластик операция үчүн ашыкча чыгым болбоо максатта кыргыздын кыздарына үйлөнүп жатканы болуп жатбайбыыы... Кыргыз кыздарынын табигый сулуулугуна башка эч бири тең келбейт!

Zhoro

2018-11-22 04:13:48

Менин жубайымдай экен сулуулугу

ALMAAAN

2018-11-22 05:02:13

Сүйөм го

Kgda

2018-11-22 07:15:27

Бул кыщдын канында кыргыздын каны барбы дейда.

Eli.91

2018-11-22 18:42:23

Кыш санатасы деген кинодо бул рол жараткан Эмеско?

Эльвира Караева

2018-11-22 22:00:48

Eli.91, ооба, туура айтасыз, сиз жазган сериалда ойногон эмес. Ал маалымат кайдан чыкты?

Eli.91

2018-11-22 18:47:27

Кимина
Жунсанк
Чонсин Хау
Ушулар оло жакчу,туну менен уктабай тан атканча карейс кино лорун коруп чыккан кундор болдуго,ыйласа кошо ыйлап кулсо кошо кулуп,азыр эстесем кулкум келет,азыр анча корбойм.

akmanai

2019-11-23 01:39:31

Инстаграмдагы баракчасынын дареги кандай?

Комментарий калтыруу үчүн өз ысымыңыз менен кириңиз же каттоодон өтүңүз.