Ысык-Көлдө көчөдөн эс-учу жок абалда табылган адамды үйүнө жеткирген адам өз жанын кыйды. Көчөдөн табылган киши да каза болуп калган

Ысык-Көл облусуна караштуу Сары-Ой айылында көчөдөн эс-учу жок абалда табылган адам каза болуп калгандан кийин аны үйүнө жеткирип койгон айылдашы өз жанын кыйды. Мындай маалыматты бүгүн, 13-декабрда SUPER.KG порталына Ысык-Көл ОИИБинин басма сөз кызматкери Сталбек Усубакунов тастыктап төмөнкүлөрдү билдирди.

"Окуя 9-декабрга караган түнү Сары-Ой айылында орун алган. Анда 43 жаштагы жергиликтүү тургун таңкы саат 4 чамасында жолдун боюнда эс-учу жок абалда жаткан айылдашын көрүп, аны үйүнө жеткирип коёт. Эртең мененки саат 10:00дөр чамасында ал киши каза болуп калганы белгилүү болот. Эртеси күнү маркумду үйүнө жеткирип барган 43 жаштагы айылдашы да үйүнүн короосундагы сарайга барып асынып алган", - дейт Усубакунов.

Алдын ала берилген маалыматтарга ылайык, көчөдөн эс-учу жок абалда табылган 46 жаштагы жарандын кабыргалары сынып, бир нече оор жаракаттарды алгандан улам көз жумган.

“Аны унаа сүзүп кеткен болушу мүмкүн, бирок соттук-медициналык экспертизанын жыйынтыгы толук чыкмайынча так айтууга болбойт. Эки жаран тең ушул жуманын башында жерге берилген, экөө тең үй-бүлөлүү болгон. 43 жаштагы адамдын өлүмү "өзүн өзү өлтүрүү" катары катталса, биринчи окуя боюнча тергөө амалдары жүрүүдө”, - деп кошумчалады Усубакунов.

Автор: Мальвина Уметбекова

23:56 13-12-2018

Жазылуу

РУБРИКАДАГЫ СОҢКУ КАБАРЛАР

18:20 2025-06-14 | Коом жана турмуш

Замандын талабындагы китептер: Кызыгуу, тандоо жана тренд 1232 0

17:41 2025-06-14 | Коом жана турмуш

Кулубаев Оман Султандыгынын тышкы иштер министри менен сүйлөштү 618 0

16:55 2025-06-14 | Түркүн дүйнө

Израил Ирандын негизги илимпоздорун жок кылганын билдирди 2447 0

16:07 2025-06-14 | Маданият, шоу-бизнес

Эл аралык көргөзмөгө катышуу үчүн чыгармачылык иштерди тандоо башталды 529 0

15:36 2025-06-14 | Коом жана турмуш

Ошто турак үйдөн өрт чыгып, 63 жаштагы аял каза тапты 848 0

15:31 2025-06-14 | Бизнес-Инфо

Алдыңкы клубдар, катуу матчтар, ысык оюн талаасы – O!TV'да FIFA Дүйнөлүк Клубдук кубогу 473 0

Архив

Комментарийлер (8)

ekaterinburg

2018-12-13 13:23:09

Тообо кылдым...Мистика го.

zhykyo

2018-12-13 13:47:27

Пункт назначеня 5 го

Aikaaaa

2018-12-13 15:08:35

Эмнеге антти болду экен, же каза болуп калган кишинин туугандары андан көрүшпөдү бекен

Take_men

2018-12-13 17:05:24

Асынып алган киши өлтүргөн окшойт анда

-5

Aiymkunumjyldyzym

2018-12-13 17:47:34

Olturboso dele Menden korup baary bir moiunga aldyrywat,andan koro olup kalaiyn dep olgondoi bolup jatat

madina.87

2018-12-14 07:40:15

Аябай ишенчээк,боорукер адам окшойт эле,ага жардам берген да өтүп кеткенин уккан соң коркуп эле асынып алган окшойт. Менден көрүп түрмөгө камалгыча өлгөнүм артык дегендир байкуш.Экөөнүн тең жаткан жери жайлуу болсун.

barakcha

2018-12-14 12:28:57

madina.87,Сотторго ишенич жок деп ээ?

Samat777

2018-12-14 16:05:06

madina.87, өзүн өзү өлтүргөн адамды эч качан жакшы адам деп эсептебейм

-2

Комментарий калтыруу үчүн өз ысымыңыз менен кириңиз же каттоодон өтүңүз.