"Жаңы кодекс боюнча эми соттор соттолуучулардын жаза өтөө режимин аныктабайт" дейт Башкы прокуратуранын өкүлү

Эми соттор соттолуучулардын жаза өтөө режимин аныктабайт. Бул тууралуу бүгүн, 16-январда маалымат жыйында Башкы прокуратуранын ыкчам изилдөө иштерин жана тергөөнү көзөмөлдөө боюнча башкармалыгынын прокурору Айбек Жумабаев билдирди.

Ал билдиргендей, бул өзгөрүүлөр жаңы Жазык-процесстик кодексине киргизилди.

"Анда соттолуучулардын жаза өтөө режимин Жазаларды аткаруу мамлекеттик кызматынын алдындагы атайын комиссия аныктайт. Комиссиянын ар бир мүчөсү протоколго кол коёт. Сот жаранды 5 жылга чейин эркинен ажыратуу тууралуу жаза кабыл алса, аны күчөтүлгөн режимдеги колонияга жөнөтүүгө комиссиянын мүмкүнчүлүгү жок. Бардык нерсе жазадан көз каранды болот", - деди Жумабаев.

Мурда соттолуучулардын жаза өтөө режимин соттор аныктап келген.

Автор: Жылдыз Джускембаева