Кыргыз цирктин 35 кызматкери жапырт жумуштан кетүүгө арыз жазып, сыйлыктарын министрликтин алдына алып барышты

Кыргыз мамлекеттик циркинин 35 кызматкери жапырт жумуштан кетүүгө арыз жазды. Бул тууралуу SUPER.KG'ге аталган мекеменин артисти Данияр Бөлөкбаев кабарлады. Алардын массалык түрдө кызматтан кетүүсүнө цирктин директорлугуна өздөрү сунуштап жаткан талапкер Аида Акматованын дайындалбай жатышы түрткү болууда.

Бөлөкбаевдин айтымында, алар аталган маселени маданият, маалымат жана туризм министри Азамат Жаманкулов үч күндүн аралыгында чечип берерин айтып, бирок бир чечимге келбей жатат.

"Цирктин мурдагы директору Курмангазы Исанаев кызматтан кеткенине бүгүн 51 күн болду. Анын ордуна биз өзүбүздө иштеп, биздин түйшүктү ичибизден билген кыз катары Аида Акматованын талапкерлигин көрсөткөнбүз. Дүйшөмбү күнү министр Азамат Жаманкулов менен жолугушканыбызда үч күндүн аралыгында чечиле турганын айткан. Бүгүн үчүнчү күн бүтүп жатат, бирок дале чечим чыгара элек. Ал гана эмес, башка талапкер Фархад Бекманбетов телеканалдардын бирине цирктин азыркы абалга келишине биздин дагы тиешебиз бар экенин айтып маек бериптир. Ошондуктан анын айтканына каршы экенибизди билдирип, сотко бергени жатабыз. Анын негизинде Бекманбетовдон 4 миллион 500 миң сом өндүрүүнү талап кылабыз. Ал акча мамлекеттин бюджетине түшөт", - деди Бөлөкбаев.

Жумуштан кетүүгө арыз жазган кызматкерлер Эл аралык фестивалдардан алган сыйлыктарын учурда Маданият, маалымат жана туризм министрлигинин алдына алып барышты. Бөлөкбаев бул сыйлыктар министрликке өткөрүлүп берилерин кошумчалады.

16:05 23-01-2019

Автор: Жамалидин Парманкулов
Фото: Данияр Бөлөкбаев

Жазылуу

РУБРИКАДАГЫ СОҢКУ КАБАРЛАР

22:03 2024-04-24 | Саясат

Баку шаарында Чыңгыз Айтматовдун эстелигинин ачылыш аземи болду 557 0

21:52 2024-04-24 | Коом жана турмуш

Бишкекте терроризмдин алдын алуу боюнча эл аралык конференция өттү 248 0

21:31 2024-04-24 | Коом жана турмуш

Бишкекте 20 жаштагы кыз дайынсыз болууда 1067 0

20:59 2024-04-24 | Кылмыштар, кырсыктар

Бишкекте ишкерди уурдап, 140 миң доллар талап кылган кылмыштуу топтун мүчөлөрү кармалды 1104 0

19:35 2024-04-24 | Кылмыштар, кырсыктар

Кадамжайда аткезчилик жол менен алынып келе жаткан жаңгак аныкталды 772 0

18:56 2024-04-24 | Саясат

Садыр Жапаров Азербайжандын президенти менен болгон сүйлөшүүлөр боюнча билдирүү жасады 1159 0

Архив

Комментарийлер (8)

Tolkun555

2019-01-23 16:09:31

Не нормальныйлар.директорлукту монополия кылып алышканбы

Nargiza1987k

2019-01-23 16:25:03

Акмактык акмактык акмактык иштегендерда, директорлору да окмотда. Учоо тен биринен отуп бир акмак экен. Битке очошуп койногун орттогондор дал ушулар экенда. Окмот кысыып эле булардын каалаганындай кылып койбойбу тоооообаааа.

jumaev0084

2019-01-23 16:53:32

Аида кооп акча берип койгон окшойт алгандын кусмайы бар урматтуу кызиаткерлер

-2

zevs

2019-01-23 16:54:12

Milliondogon akcha kantip berip koymok ele. Berse ichi jarylyp olotko

patiydin

2019-01-23 17:06:16

Ушунте берсе бардыгын арызын кабыл алып, иштен алыш керек. Кыргыздын осуп келе жаткан жаш муундарын ишке алыш керек. талапкер Фархад Бекманбетов туура айтыптыр жамааттын да айбы бар бул жерде.

max-bek

2019-01-23 17:07:21

Бул жерде оз адамдарын койуп алып,ижарадан тушкон акчаны болуп алышкысы келип атат да.ал жерде миллиондогон акчалар ойнойт.цирктин айланасы бут эле дукон,кафелерге толуп кеткен.кетсе кетирип жибериш керек.

Kyrgyz_bloger

2019-01-23 17:40:14

Жаман характерлерин коргозушту го,ар ишкана эле биз айткан дирокторду коюп бер дей бергени болмок беле

Erik2018

2019-01-23 19:07:41

Бул мекемеге күчтүү менеджер керек. Эми өкмөт татыктуу кадр таба албай жатса керек да.

Комментарий калтыруу үчүн өз ысымыңыз менен кириңиз же каттоодон өтүңүз.