Кыргыз цирктин артисттери Маданият министрлигинин алдына алып барган сыйлыктарын кайра өкмөт үйүнүн алдына алып барды

Кыргыз цирктин 35 кызматкери жапырт жумуштан кетүүгө арыз жазып, сыйлыктарын Маданият, маалымат жана туризм министрлигине өткөрүп берүү үчүн министрликтин алдына алып барышкан. Бирок министрликтин кызматкерлери алардын алдына чыкпай койгондуктан сыйлыктарды кайра өкмөт үйүнүн алдына алып барып коюшту. Бул тууралуу SUPER.KG'ге аталган мекеменин артисти Данияр Бөлөкбаев кабарлады.

"Сыйлыктарды өткөрүп берүү үчүн Маданият, маалымат жана туризм министрлигинин алдына саат 15:00дө келгенбиз. Бирок министрликтин өкүлдөрү чыкпай коюп, сыйлыкты өкмөт үйүнүн алдына алып бардык. Ал жерде турсак министр өзүнө чакырып жатканын айтышып, кайра министрликке келдик. Азыр баарын өткөрүп беребиз деп турсак кайра эле эч кимиси чыкпай койду. Ошондуктан эртең президенттин өзүнө кайрылабыз деп тарап кеттик", - деди Бөлөкбаев.

Бөлөкбаевдин айтымында, артисттер муну менен цирктин директорлугуна өздөрү сунуштап жаткан талапкердин дайындалбай жатышына нааразы экенин билдирүүдө.

Буга чейин маалым болгондой, Кыргыз циркинин директорлугуна маданият, маалымат жана туризм министринин мурдагы орун басары Фархад Бекманбетовдун, Кыргыз циркинин артисти Аида Акматованын жана балетмейстер Зарылбек Молдобакировдун талапкерлиги сунушталган.

Цирктин мурдагы директору Курмангазы Исанаев ээлеген кызматынан 2018-жылдын 20-декабрында бошотулган. Анын кызматтан кетүүсүнө эмгек жамаат менен болгон пикир-келишпестик түрткү болгон. Кыргыз циркиндеги жетекчилик менен кызматкерлердин пикир келишпестиги 26-ноябрь күнү Жогорку Кеңештин комитетинде көтөрүлүп, циркти ижарага берүүдөгү жана билеттерди сатуудагы коррупция жана башка мыйзам бузуулар болгону айтылган. Биз маселенин чоо-жайын жазганбыз.

Автор: Жамалидин Парманкулов
Фото: Данияр Бөлөкбаев

18:08 23-01-2019

Жазылуу

РУБРИКАДАГЫ СОҢКУ КАБАРЛАР

13:45 2025-07-20 | Спорт

Нурхан Самидинов Дүйнөлүк жайкы Универсиададан коло медаль утту 49 0

13:15 2025-07-20 | Түркүн дүйнө

Байыркы Рим коргоочуларына таандык болгон чоң өлчөмдөгү бут кийим табылды 347 0

12:52 2025-07-20 | Түркүн дүйнө

Японияда жалган айып менен түрмөдө 40 жыл отурган жаран эркиндикке чыкты 427 0

12:01 2025-07-20 | Түркүн дүйнө

Менеджери менен кучакташып турган видеосу тарагандан кийин компания директору кызматтан кетти 1997 0

11:22 2025-07-20 | Түркүн дүйнө

Лос-Анжелесте автоунаа элди сүзүп, 20дан ашуун адам жабыркады 372 0

10:42 2025-07-20 | Түркүн дүйнө

Вьетнамда туристтик яхта оодарылып, кеминде 34 адам каза тапты (видео) 718 0

Архив

Комментарийлер (5)

Nurkyz1977

2019-01-23 18:33:19

Кереги жок сыйлыктарды орттоп ийгиле ары бери ташып убара болбой. Жашоодо деле клоун экенсинер,атынарга затынар жарашат экен циркачтар. Ар ким эле оз ойун тануулаган заман болду го.

voennyi88

2019-01-23 18:33:45

Цирк цирктигин калат экенда.

faraon312

2019-01-23 20:21:44

Бир аз оңоюраак оюн ойнопсуңар..

tular

2019-01-24 10:19:51

Булардыкы да туура бир четинен

-1

Nurmatova.

2019-01-24 11:30:42

Цирк кызматкерлерине да рахмат 6000 ге жетпеген айлык алат экенго эсептеп корсом

-1

Комментарий калтыруу үчүн өз ысымыңыз менен кириңиз же каттоодон өтүңүз.