Жол эрежесин бузуп камерага түшүп калган айдоочуларга почта аркылуу айып пулдар жибериле баштады (видео)

Тектеш кабарлар: "Коопсуз шаар" ишке киргизилгенден кийин жаралган маселелер (30 материал)

Жол эрежелерин бузган айдоочулар айып пулдар тууралуу алгачкы маалымдамаларды ала башташты. Жол кыймылынын коопсуздугун камсыздоо башкы башкармалыгы айып пулдар эреже бузуучуга кандай жол менен жеткирилери тууралуу видео таратты.

Видеодо эреже бузган унаанын ээсине жашаган дареги боюнча кат барат. Катты почта кызматкерлери жеткирет. Айып пул төлөөчү жаранга почта кызматкеринин түшүндүрүп бергенине караганда, маалымдаманы "бакыт каты" деп атап коюшкан. Ошондой эле видеодо айып бузуп көзөмөл камерага түшүп калган унаа кимге катталса ошол катталган ээсинин дарегине маалымдама барары түшүндүрүлгөн.

Видеотасмадагы жаран айып бузган унааны учурда башка бирөөгө сатып жибергенин айтты. Аңгыча пайда болгон жол кыймылынын коопсуздугун камсыздоо башкармалыгынын кызматкери унааны сатар замат алуучуга дароо каттатып салуу керек экендигин түшүндүрдү.