"7 айлык перзентибиз бул дүйнөнү көрбөй, бизди таштап кете берди". Журналист Мирбек Айтикеев дарыгерлердин шалаакылыгынан улам наристесин жоготконун айтты

Журналист, КСДПнын саясий кеңешинин мүчөсү Мирбек Айтикеев дарыгерлердин шалаакылыгынан улам дүйнөгө келе элек наристесин жоготконун өзүнүн социалдык тармактагы баракчасына жазды.

Анын айтымында, кош бойлуу жубайы дарыгерлердин кароосунан өткөндө баары жакшы экенин айтышкан. Бирок 3 күндөн кийин жубайы өзүн начар сезип "Тез жардам" аркылуу ооруканага жеткирилип, бирок дарыгер бош эмес деген жүйө менен коридордо күттүрүп коюшкан.

"Келинчегим 14-апрелде кош бойлуулук мезгилине 7 ай болгондуктан пландуу кароодон өткөн. Анда дарыгерлер текшерип абалы жакшы, ичиндеги балабыздын өсүүсү, жүрөгүнүн согушу жайында экенин айткан. Келинчегимдин абалын да жакшы деп баалашкан. Ага мен өзүм күбө болгом. Анын эртеси Караколго жумуштар менен барып, жакшы эле жүргөн. 17-апрелде кечке жуук ичи ооруп "Тез жардам" чакырышкан. Текшерген дарыгерлер абалын оор деп баалап, облустук төрөтканага алып барышкан.

Ооруканага болжол менен 19:30дарда жеткирилген. Бирок ооруканада бир гана дарыгер болуп, ал бошобой жатат деген жүйө менен коридордо күттүрүп коюшкан. Ичи катуу ооруган келинчегиме мындай мамиле жасалып жаткандыктан өкмөттөгү тааныштарымдын бирине байланышып, көзөмөлүнө алып чара көрүүсүн сурандым. Акыры ал кишинин облус жетекчилигине байланышка чыгуусунан кийин гана кыймыл башталды. Болгондо дагы бир да дарыгер жок деп жаткан бөлүмгө, дарыгер, башкы дарыгер, бөлүм башчысына чейин жетип келишип, 22:30 чамасында дароо операция жасоо чечими кабыл алынган.

Келинчегим 2 литр кан жоготуп, араң эле калды. Түнү бою, эртеси кечке кан куюшту. 7 айлык перзентибиз болсо бул дүйнөнү көрбөй, ата-энесинин мээримине бөлөнбөй бизди таштап кете берди. Мен түнү бою жол жүрүп таңга маал Караколго бардым. Босогодон аттаар замат дарыгерлер чочулап, ар кайсыны айтып жатышканына күбө болдум. Белогу көп болуп кеткен турбайбы деп айтышты. Бирок 3 күн мурда текшерилгенде андай маселе жок эле.

Чынын айтсам соңку үч күндө дендароо болуп жүрдүм. Болору болду, ызы чуу чыгарганда эмне деп ойлондум. Бирок өз каныңдан жаралган баламды өз колум менен көтөрүп барып жерге жашыруудан өткөн азап жок экен. Башкаларга сабак болсун деп айтууну туура көрдүм. Бизде го тааныш бар экен. Эгерде андай болбогондо келинчегимдин абалы эмне болот эле деген суроо оюман кетпей койду", - деп жазган Айтикеев.

Журналист өз билдирүүсүндө салт боюнча чарчап калган баласына Үмүт деген ысым ыйгарганын кошумчалаган.

"Салт боюнча ат коюп жерге бердик. Бардык кайгы артта калсын. Ата-энелер биздей болуп боздобосун. Жан дүйнөсү эңшерилбесин деп атын Үмүт койдук.

Урматтуу министр мырза, өкмөт жетекчилиги канчага чейин карапайым эл жабыр тартышы керек? Качан адам өмүрү, ден соолугу баарынан бийик турган коом курабыз? Качан тааныш-билиши жок болсо да кор болбогон өлкөдө жашайбыз?" - деп жыйынтыктаган ал өз билдирүүсүн.

Жубайынын азыркы абалын билүү үчүн Мирбек Айтикеевге байланышканыбызда ал төмөнкүлөргө токтолду.

"Жубайым азыр деле жандандыруу бөлүмүндө болгону менен абалы бир топ жакшы. Мага өкмөттөн байланышка чыгышып, биздин окуя Саламаттыкты сактоо министрлигинин көзөмөлүндө болорун айтышты. Бирок дарыгерлер ар кайсы шылтоолорду айтып жатышат. Ошондуктан аларга карата чара көрүлөрүнө көп деле ишенген жокмун. Анын үстүнө келинчегим дагы деле ооруканада болгондуктан ызы-чуу чыгарбай эле коёлу деп чечтик", - деди Айтикеев.

Автор: Бекболот Сарыбаев

13:58 21-04-2019

Жазылуу

РУБРИКАДАГЫ СОҢКУ КАБАРЛАР

15:56 2025-06-27 | Кылмыштар, кырсыктар

"Максат" чек ара заставасынын аскер кызматкери пара алып жаткан жеринен кармалды 106 0

15:49 2025-06-27 | Түркүн дүйнө

The New York Times: АКШ Иран боюнча калп айтып жатышы мүмкүн 170 0

15:39 2025-06-27 | Түркүн дүйнө

Казакстанда бетти жапкан кийимдерге тыюу салынды. Парламент түзөтүүлөрдү жактырды 98 0

15:19 2025-06-27 | Түркүн дүйнө

Бельгия Израилдин аскерий өкүлүн өлкөдөн чыгарууну талап кылууда 344 0

15:17 2025-06-27 | Кылмыштар, кырсыктар

Жасалма күбөлүк, форма... УКМКнын жалган кызматкери кармалды 303 0

15:12 2025-06-27 | Коом жана турмуш

Оштун мэриясы Ысык-Көлгө унаага батпай бара жаткан окуучулар боюнча үн катты 588 0

Архив

Комментарийлер (14)

elchi84

2019-04-21 14:28:57

Кайрат кыласын эми ошол сенин таанышын бар экен а биз кудай деп эле жашап журобуз.Ошол тааныш билиш ти АШАдан сура ошол маалда ото ото онугуп кеткен .

-2

pat12

2019-04-21 17:21:58

elchi84,
Ошол сен айткан тааныштык эки жуздуу Жээнбековтордун убагында да абдан онукту. Саткын Жээнбековтордун убагында эн жаман нерселер болуп жатат. Жээнбековтордон эл кутулмайн олкобуздо эч онугуу болбойт.

-2

Paprikafm

2019-04-21 18:04:12

pat12,1000 сом акчасын алып, шайлап алып жүрө бергиле, качан кутулабыз деп,

tursunbaev78

2019-04-21 22:07:07

Paprikafm,туура айттың,

elchi84

2019-04-21 18:38:16

pat12,Саткын дейсин да сенин оюнча АШАнын созун угуп журо берейлиби ?

Erik2018

2019-04-22 12:42:58

pat12,Бул жерде Жээнбеков эмес дарыгерлердин шалаакылыгы себеп болду. Мышыгын өлүп калса да Жээнбеков күнөлүу болуп калабы. Атамбаев убагында коррупция болуп көрбөгөндөй өнүктү.

Elaman_Arypov

2019-04-21 16:08:20

Окмотто иштеген таанышарына айт, дарыгерлердин айлык маянасын кобойткуло ошондо жакшы иштейт деп.

-3

senchi

2019-04-21 16:15:12

Жаткан жери жайлуу болсун.

Kyrgyz_bloger

2019-04-21 18:31:10

Бизде дарыгер,гаи,сот,жакшы иштеш учун айлыгын кобойтуш керек деген тушунук бар да,ал туура эмес он мин сомго деле жашаса болот бирок азыр коптор андай жашагысы келбейт эки этаж тамы,кымбат машиналары бар врачтар коп,алкымды тыйыш керек да,адамга жардам беруу,Аллахтын раазычылыгы учун иштоо,сооп учун,акырети учун иштоо ойу жок болсо жуз мин айлык берсен деле тойбойт.

Eli.91

2019-04-21 19:15:21

Менин деле синдим 1-апрел куну толгоо тартып ноокаттагы раддомго барса ал жердегилер кыйла убакыт откоруп жиберишип синдимдин кызы ичинде эле чарчап калды.Кесирова менен торотобуз деп Ноокатта 2 Сааттай кармаптыр.Раддомго барганда баланын журогу согуп аткан экен.2 сааттан кийин баланын журогу бир согуп бир сокбой жатат дешип Ошко жиберишти.Ошонтип ортодо балада чарчап калды синдимда аябай кыйналып оз кучу менен тороду.Бешенеге жазылган ушул экен деп эле унчукбай эле отуруп калдык.

babi92

2019-04-21 19:27:24

Кудайга тообо кылыныз тааныштарыныз бар экен.А таанышы жок карапайым калк ичтеги эмес,чуркап жургон ай мончоктой балдарынан ажырап,айыкпас ооруга чалдыкса да ушул меербан аттыккан адамдардын шалаакылыгынан унун кимге жеткизеерин билбей жургондор толтура,же алардын унун укчу бироо болсочу.Акене бар,уконо бар болуп иш жабылат.

elina

2019-04-21 23:09:45

азыр таанышын жок болсо торотканада сени карашбайт, ортого тааныш салып жатып аран карашат. Андан дагы мед.персоналдардын маянасын которгону менен коррупция ото кучоп кеткен. Оз наристенди коруш учун суйунчусун бересин, бул эмне деген шумдук. Дарыгерлер карапайым адамдарды акчага баалап калышкан. Чонтокторуно канчалык акча кобуроок салсан ошончолук алардын кыймыл-аракеттери да тезирээк болуп калат. Бул абдан окунучттуу

medya123

2019-04-21 23:32:29

Ушул бишкекти толтурган камераларды больница, мектеп, универлерге толтурса бираазда болсо коркушат беле оздору

nabievich

2019-04-22 13:00:54

Мирбек Айтикеев Атамбаевдин азыркы партиясынын тизмесинде алдынкы ондукта турат бул эргул кимдин адамы экенин билдинерда булардын максаты бугунуку бийлике эптеп каралоо жана Атамбаевди айландырып бийлике алып келуу

Комментарий калтыруу үчүн өз ысымыңыз менен кириңиз же каттоодон өтүңүз.