Журналист Мирбек Айтикеев: "Келинчегиме оорукананын директору тарабынан кысым болуп жатат"

Журналист, КСДПнын саясий кеңешинин мүчөсү Мирбек Айтикеев дарыгерлердин шалаакылыгынан улам 17-апрелде дүйнөгө келе элек наристесин жоготконун билдирген. Келинчеги оор абалда Каракол шаарындагы ооруканада экени маалым болгон.

Бүгүн, 23-апрелде ал келинчегине оорукананын директору тарабынан кысым болуп жатканын жазып чыкты.

"Азыр эле келинчегим ыйлап чалды. Ысык-Көл облустук биргелешкен ооруканасынын директору Токтобай Маанаев келип, келинчегимди ызалантып кетиптир. "Күйөөңдүн интернетке жазганын билесиңби?
Өзүңдүн аман калганыңа сүйүнсөң. Ызы-чуу чыгарганды күйөөң жакшы билет экен" дегендей сөздөрдү айтыптыр. Бул дарыгер эмес эле акмак экен. Өзү жандандыруу бөлүмүнөн жаңы палатага которулуп араң жатса, ден соолугун суроонун ордуна "сурак" жүргүзгөн кандай неме? Мына төрөйм деген ымыркайынан ажыроо эне үчүн чоң жоготуу. Муну билип туруп психологиялык кысым жасаган Маанаев анык текебер, анык таш боор экен. Жараны өзү тырмап жатса, кол алдындагылар жыргатып карашмак беле? Чыңгыз Эсенгулов, (Өкмөттүн маалымат кызматынын башчысы - ред.) "министрге айттык, териштирет дедиңиз эле. Кана?" - дейт Айтикеев.

Ал эми Ысык-Көл облустук биргелешкен ооруканасынын директору Токтобай Маанаев журналист Мирбек Айтикеевдин жубайына кысым көрсөтпөгөнүн айтууда.

"Бүгүн бейтаптардан кабар алып, текшерип чыктым. Анын келинчеги менен да жолугушуп абалын, таңууларын кайра жаңылоо керекпи же керек эместигин сурадым. Менин жанымда башка кызматкерлер бар эле. Интернетке чыгыптыр деп көрсөттүм. Аны өзү билет экен. Башка эч нерсе деген жокмун. Мирбек Айтикеевдин жазгандарын окудум. Келинчегинин абалы жакшы", - дейт Токтобай Маанаев.

Автор: Айпери Ганыжан кызы

19:17 23-04-2019

Жазылуу

РУБРИКАДАГЫ СОҢКУ КАБАРЛАР

13:58 2025-06-27 | Кылмыштар, кырсыктар

ӨКМ кызматкерлери сууга чөгүп бараткан адамды куткарып калышты (видео) 38 0

13:57 2025-06-27 | Түркүн дүйнө

Японияда "Twitter киши өлтүрүүчүсү" делген Такахиро дарга асылды 71 0

13:57 2025-06-27 | Супер-Инфо

Тачанка – айтылуу Трондун тукуму 30 0

13:43 2025-06-27 | Кылмыштар, кырсыктар

Кыргызстанда бир суткада 30 өрт кырсыгы катталды 43 0

13:42 2025-06-27 | Кылмыштар, кырсыктар

"Жапаровдун чачын алып жүргөн баламын". Бишкекте 40 жаштагы киши кармалды (видео) 233 0

13:28 2025-06-27 | Коом жана турмуш

Такси кылууга уруксат берүү шылтоосу менен 656 миң сом алган жаран кармалды 127 0

Архив

Комментарийлер (7)

Jasa

2019-04-23 19:40:03

Жанынар чыгып кетсе экен калпты чындай суйлогон шалаакы врачтар

+12

BarsBaatyr

2019-04-23 19:42:47

Врачтардын көпчүлүгү өздөрүн Кудай сезип калган заман азыр.

+11

nazya5

2019-04-23 20:33:00

Биздин врачтар акыркы кундору адам омуруно ото конул кош мамиле кылып калышты (( . Абдан окунучтуу. Сиз келинчегинизди шаарга которуп келбесениз, кек сактап калган врачтар калтыруу кооптууго дейм

tursunbaev78

2019-04-23 22:34:44

nazya5,гиппократтын анты не болот,врачтар кек сактаса,ыйманды өздөрүнө берсин дейбиз

TOM.

2019-04-24 11:17:01

tursunbaev78, Гиппократ не Аллах беле

Chungyz

2019-04-23 22:23:11

Частный клиника баргыла

baktyluuluk

2019-04-24 09:26:58

Тим эле бейтаптардан кабар алып, танууларын текшерип...
Шаардык оорукананын директору биринчи жолу угушум бейтаптарга кирип кабар алганын.Дарылаган эле врач карайт болчу же болум башчы.

Комментарий калтыруу үчүн өз ысымыңыз менен кириңиз же каттоодон өтүңүз.