"Видеону интернеттен көргөндө балдарга боорум ооруган, көрсө алардын арасында өзүмдүн да балам жатыптыр" дейт "Шоола" бала бакчасына уулу барган эне

Кечээ социалдык тармактарга бир керебетте 4-5тен, калганы полдо уктап жаткан балдардын видеосу тарап, кызуу талкууга алынган. Алгач бул бала бакча Кыргыз өлкөсүндө эмес деп айтылып, кийин ал Бишкектеги №1 "Шоола" бала бакчасы экени аныкталган. Бүгүн бала бакчанын жанына ата-энелер чогулуп, арыз-муңдарын билдиришти. Бул бала бакчага баласы барган энелердин бири Алтынай Садырова видеону алгач көргөндө балдарга боору ооруганын айтат.

"Мен видеону интернеттен көрүп, балдарга боорум ооруган, көрсө алардын арасында өзүмдүн да балам жатыптыр. Кечээ түштө видеону көрүп, комментарийлерин окуп мен дагы жазып койсомбу деп ойлоп, анан кийин жазайын деп иштерим менен алек болуп анча көңүл бурган эмесмин. Кийин туугандарым чалып, "бул сенин балаң барган бала бакча го, дубалдары ошондой экен" дегенде анан кунт коюп видеону көрүп жатпаймбы. Баламды тааныган да эмесмин.

Кийин жерде жаткан баламды көргөндө жүрөгүм жарылып кетейин деди. Аябай жаман абалда болдум. Мен ишенип, бир нерсе үйрөнсүн деп бала бакчага таштасам, алар бир керебетке 4-5тен, калгандарын полго жаткырып жатса кандай болот?!

Видео ушул бала бакчада тартылганын билген соң көп ата-энелер чогулуп, кечээтен бери ызы-чуу болуп жатабыз. Согуш маалындагыдай балдарыбыз узун-туурасынан жатканы жүрөктү оорутту", - дейт ызаланган эне.

Окуянын чоо-жайына кайрылсак:

Кечээ интернетте бала бакчада 50гө жакын бала бир бөлмөдө, бир керебетке 4-5тен узун-туурасынан жатканы тартылган видео тараган. Кээ бири батпай калып, полдо уктап жаткандары да бар. Тасма Бишкектеги №1 "Шоола" балдар бакчасында тартылганы аныкталган.

Бир керебетте төрттөн уктаган балдар. Ата-энелер нааразы. Бала бакча жетекчилиги эмне дейт?

Автор: Мальвина Уметбекова
Фото: Мальвина Уметбекова

15:26 24-04-2019

Жазылуу

РУБРИКАДАГЫ СОҢКУ КАБАРЛАР

23:46 2025-07-18 | Түркүн дүйнө

Казакстандык дипломат аялын сабаганы үчүн 6 жылга эркинен ажыратылды 427 0

23:35 2025-07-18 | Коом жана турмуш

19-июлга карата аба ырайы 278 0

22:56 2025-07-18 | Кылмыштар, кырсыктар

Аскердеги өлүм: Жоокердин үй-бүлөсү чындыкты талап кылууда 1025 0

22:04 2025-07-18 | Коом жана турмуш

19-20-21-июль күндөрү Бишкектин айрым аймактарында жарык өчүрүлөт (тизме) 511 0

21:33 2025-07-18 | Саясат

Алмамбет Шыкмаматов Мамлекеттик салык кызматынын төрагасы болуп дайындалды 2027 0

20:56 2025-07-18 | Саясат

Алмаз Салиев Мамлекеттик бажы кызматынын төрагасы болуп дайындалды 1089 0

Архив

Комментарийлер (10)

zhaku2017

2019-04-24 16:11:04

Мечит эмес оорукана, бала бакча салганды уйронолук. Мечитти толтуруп салдынар, элдин жашоосу эч онолуп кеткен жок жэ адептуу болуп кетишкен жок. Онуккон олколорго барсанар биричи кезекте оорукана, бала бакча, жол, копуро, суу каналдарын салышат экен. Бизде мечит коп, аягы колуп Борбор Азияда эн жакыр олкого болуп эсептелдик.

-2

newman

2019-04-24 21:57:26

zhaku2017,
Тууган дин жакпаса оюңузду озунуздо кармаңыз. Мечит салынса, баарын бизнесмен ага-инилер же башка мамлекеттин (Туркия сыяктуу) эсебинен жардам катары салынган мечиттер. Мамлекет чөнтөгүнө колун салып мечит курулган жок. Эл салып атабы, салам берсин. Бала бакча аз экени турган кеп, көбөйсүн, тилегим ошол.

-3

Rifle_I

2019-04-24 23:39:50

zhaku2017,
мечитти мамлекеттик бюджет салбайт да. Эл бийликке ишенбей калды, мүмкүн ошол себептен мечит салып жаткан спонсорлор мамлекеттик мекеме салбайт. Мүмкүн кандайдыр бир бюрократиялык татаалдыктар бар.

Mavlyuda

2019-04-24 16:26:24

Менин кызым да 4 жыл мурун ушул садикке барчу. Башы биттеп эле кете берчү. Тазалап койсоң кайра эле биттей берчү. Көпчүлүк арасында тем более ушинтип кысылышып жатса биттейт да

mira28

2019-04-24 16:42:14

Туура кыласыздар.Мына митинге ушундай проблемаларды которуп чыгуу керек.Чондор жата берсин турмодо жерин жеп топтоп койгон балдары чет мамлекетте окуйт.Аларды жактап кайра кайра митинге чыккыча кор болуп жаткан балдарга жардам сурайлы.Балдардын сырт кийими тургай кроссовкасын да чечишпептир.Бул эмне деген акмакчылык.

karona12

2019-04-24 17:17:01

Орун жок десе акча берип киргизип жанталашып ишке чыкканга шашасынар балдарынарды кандай шартта карайт бир кун убакыт болуп карап койгонго жарабайсынар эми туштон кийин ызылдайсынвр.

+13

raykray

2019-04-24 18:55:29

Ой эмне болсо болсун Акча берип киргиздиби Ата Эне, ремонт болуп жатабы иши кылса бобокторду адамга окшотуп жаткырып колготки юбкасын чечип устулорун жакшына жаап уктатса болотда?!

Pandora

2019-04-24 19:14:01

Жерде жатышат го ((( Уййно барып ошолор тан атканча температура болуп озу да ,ат энесин да кыйнап чыгат. Ноокаттагы Алтын Муун жеткинчек деген бала бакчаны да текшеруу керек,заведущий мамлекеттик эмес озунун оюндагы закон менен иштейт,озунун иштебеген куйоосун,баласын "иштеди " кылып табельге кошуп айлык алат.Мугалимдерге кароолдун ишин кылдырат отун кырктырып

ainura220888

2019-04-24 21:55:30

Садике баланы киргизиш 10миндин тегереги туштук жакта еще спонсор бол деп тойгузуп салат. Ошогода кайыл болуп озунор киргизесинер анан тызылдап койосунар

-2

Rifle_I

2019-04-24 23:41:09

Жеке ишкер бала бакча салуусуна мүмкүнчүлүк бериш керек окшойт , жеңилдиктерди . Налог же башка бир бюрократиялык кадамдардан бошотуп .

Комментарий калтыруу үчүн өз ысымыңыз менен кириңиз же каттоодон өтүңүз.