Эки айдан бери дайынсыз болуп жаткан Бактыгүл Каликулова дагы деле табылбай жатат

Жайыл райондук ички иштер бөлүмүнүн кызматкерлери 2000-жылы туулган Бактыгүл Каликулованы издөөдө. Бул тууралуу Чүй ОИИББинин басма сөз кызматы билдирди.

Маалыматка караганда, Бактыгүл Каликулова 2019-жылы 7-март күнү саат 15:00дөр чамасында Кара-Балта шаарындагы үйүнөн чыгып кеткен бойдон кайтып келген эмес.

Өзгөчө белгилери: бою 163-165 сантиметр. Үйдөн чыгып кеткен күнү Каликулованын үстүндө кызыл түстөгү күрмө, кызыл түстөгү жынсы шым, бутунда жашыл түстөгү спорттук бут кийим болгон.

Милиция кызматкерлери жана Каликулованын жакындары аны көрүп-билгендер болсо, 0(312) 22-15-58, 0 (701) 00-57-15, 0(557) 09-20-00 номерлери аркылуу кабарлап коюңуздарды өтүнүшөт.

Ошондой эле басма сөз кызматы дайынсыз болуп жаткан кыз буга чейин да жоголуп кайра табылганын кошумчалады.

Автор: Айзада Тураркулова