Полицияга гүл сунган кыз, 500дөн ашуун адамды кармоо, жерде жаткан улгайган киши... Казакстанда Назарбаевсиз шайлоо кандай өттү?

Кечээ, 9-июнда Казакстанда алгачы жолу 78 жаштагы Нурсултан Назарбаев талапкер болбогон президенттик шайлоо өттү. Мамлекетти дээрлик 30 жыл башкарган Назарбаевдин мураскору Касым-Жомарт Токаев 7 талапкердин ичинен жеңүүчү болуп чыкканы таң калычтуу болгон жок. Бирок шайлоо, күтүлгөндөй эле массалык нааразычылык акциялар жана митингдер менен коштолду. Өлкөнүн Нур-Султан, Алматы жана Шымкент шаарларында жүздөгөн адамдар көчөгө чыгып, "Алга Казахстан", "Бостандык!", "Бойкот!" деп кыйкырып жатышты.

Полиция 500гө жакын адамды кармады. Алардын арасында журналисттер жана активисттер болду. Бийлик бул акцияларды мыйзамсыз деп "радикалдуу күчтөр коомдогу кырдаалды курчуткусу келип жатат" деген билдирүү жасады.

Ошондой эле ИИМ митингчилерди кармоонун жүрүшүндө адамдын каза болгонун четке кагышты. Буга чейин улгайган кишинин полиция кызматкеринен башка жеп, жерде жаткан видеосу интернетке тараган. "Полиция кызматкерлери ага "Тез жардам" кызматын чакырып, ага биринчи медициналык жардам көрсөтүлгөн. Анын каза болгону тууралуу маалымат жалган" дешкен ИИМден.

Мындан тышкары, шайлоо аймактарында урналарга көптөгөн бюллетендер салынып жаткан видеолор интернетке тарап жатат. Окуя Алматыдагы №186 мектепте орун алганы айтылууда. Шайлоо комиссиясынын мүчөлөрүнүн айтымында, шайлоо ачык-айкын өтүп жатат жана эч кандай бузуулар катталган жок. Ал эми интернетте тарап жаткан видео башка жерде тартылганын айтып жатат комиссия.

Митингдер, адамдарды кармоолор, башаламандык менен коштолгон президенттик шайлоодо жүрөктү жылыткан окуя да болду. Митингдин жүрүшүндө кичинекей 2 жашар кыз полиция кызматкерине гүл сунган сүрөт социалдык тармактарда жайылып, жакшы да, терс да комментарийлерди чогултту. Интернет-колдонуучулар апасын кыздын өмүрүнө жана ден соолугуна коркунуч жараткан жерге алып барганы үчүн сынга алышууда.

Бирок апасы кызы менен кантип митингде болуп калганын айтып берди. Ал анын үйү окуя болуп жаткан жерде жайгашканын түшүндүрүп, өзүнүн апасы жана кызы менен добуш берүүгө барып, курчоого алынган жерге кокустан барып калганын айтты.

Автор: Нургазы Аматов

12:29 10-06-2019

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 836 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 988 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 883 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1107 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1332 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 642 0

Архив

Комментарийлер (5)

zevs

2019-06-10 13:15:05

Ehh kana baardyk adamdardyn konulu jaw baldardyn konulundoy taza bolso.

Agayu

2019-06-10 13:56:14

Туугандар Казахстандагы болуп жаткан митинге озубузду корсото бербейли Кыргыздардай эмес экенсинер тиги бу деп аларды чычалаттып Назарбаев жакшы адам негизи Казака эн жакын калк Кыргыз деп айткан жэри бар Атамбаевге тенелгени жок хандар кетет эл калат деп жооп берген Назарбаев Геосаясийди жакшы жугурткон инсан.Биз не болдук гулдоп кеттикби Бийликке кызыккан адамдардын курманы эле болуп калдык .Туура биз адилеттулукту суйгон адамбыз Казактарга болгон жакшы комментарийлерди жазайлы .

+18

argen1991

2019-06-10 15:28:55

Agayu,туура айттын жана жаздын жеке мен колдоймл

Tursunbaev2017

2019-06-10 16:38:11

Agayu,колдойм,туура айтасың

Samatalibei

2019-06-10 20:00:15

Agayu,Эн туура айтасын тентип жургон казак жок шугур кылыш керек а биздин олко Казакстандан коп жылга арта жашайбыз. Баардык олкодо тынчылык болсун!

Комментарий калтыруу үчүн өз ысымыңыз менен кириңиз же каттоодон өтүңүз.