2020-жылы Токиодо өтө турган Олимпиада оюндарынын медалдары коомчулукка көрсөтүлдү. Алар электрондук таштандыдан жасалган

2020-жылы Токиодо өтө турган Олимпиада жана Паралимпиада оюндарынын уюштуруу комитети олимпиадалык медалдардын үлгүсүн коомчулукка жарыялады.

Медалдардын дизайны спортчулар жеңишке жетүү үчүн күн сайын машыгуулары керек деген концепцияны чагылдырып, спортчулардын энергиясын жана алардын күйөрмандарын көрсөткөн образды өзүнө камтыйт.

Медалдарда спорттук мелдештерге катышкан жана көп иштеген адамдар сыйга татыктуу болору да символдоштурулган.

Ал эми медалдын жалтыраганы достуктун жаркырап туруусун жана дүйнө элдеринин кол кармашуусун билдирет.

Япония бул медалдарды жасоого эч кандай акча кетирген эмес. Өлкөнүн бийлиги эски гаджеттерди чогултуу боюнча акция өткөрүп, анын негизинде чогултулган металлдардан ушундай медалдарды жасаган.

Автор: Амирбек Исмаилов