8 жылдан бери Москвадагы дүкөндөрдүн биринде күзөтчү болуп иштеген кыргыз жигити орус тасмасына тартылууда

Жубайы Алина менен

Санжар Медетов Жети-Өгүздө

Тасмага тартылуу учурундагы кадр

Санжар Медетов 2011-жылы эл катары Москвага барып алдуу-күчтүү кезинде иштеп алайын деп кеткен. Анын алдыга койгон максаттарынын бири дагы 10 жыл чет өлкөдө иштөө болгон.

"Азырынча дагы бир нече жыл Орусияда иштейм деген оюм бар. Ал эми мындан ары тасмаларга тартылууга сунуштар болсо албетте тартылам. Актёрлук кесип жакты. Акчасы дагы жакты (күлүп)", - дейт ал.

Анда сөз башынан болсун. Санжар Медетов учурда орусиялык тасма жаратуучулардын толук метраждуу тасмасына тартылууда. Каарманыбыз тасмага кантип тартылып калганы, кандай роль жаратканы тууралуу SUPER.KG порталына айтып берди.

"Өзүм Москвадагы дүкөндөрдүн биринде күзөтчү болуп эмгектенем. Жумушта отурганда толук метраждуу тасмага кастинг жарыяланганын окуп калдым. Анда башкы каармандын жан сакчысы болууга ылайыктуу мырзалар керек деп жазылыптыр. Өзүмдү сынап көрмөкчү болдум. Электрондук дарекке өзүм тууралуу кыскача маалымат жана сүрөт жибергем. 15 күндөн кийин мага режиссёр байланышка чыгып, андан чакыруу алдым. 19-августта тасманы тартуу иштери башталды. Тасманын аталышы "Магия". Анда башкы каармандын жан сакчысынын ролун жаратып жатам. Ал эми башкы каармандардын ролун орусиялык белгилүү актриса Марина Петренко, актёр Алексей Кравченко ойноп жатат. Азырынча тартуу иштери жана башка процесстер тууралуу толук маалымат бере албайм. Анткени келишимге кол койгом".

Туулган жери, үй-бүлөсү...

"Ысык-Көл облусунун Жети-Өгүз районундагы Саруу айылында 1993-жылы төрөлгөм. Бирок балалыгым Кызыл-Суу деген айылда өтүп, орто мектепти ошол жактан аяктагам. Жогорку окуу жайга тапшырып, кайсы бир себептерден улам окуумду уланта албай калгам. Бирок сөзсүз жогорку билимди алам.

Үй-бүлөдө 4 бир тууганмын. Менден улуу 3 эжем бар. Баары үй-бүлөлүү. Атам Ички иштер министрлигинин ардагери, апам медицина тармагында 30 жыл эмгектенген. Учурда ардактуу эс алууда. Мен дагы быйыл Алина аттуу көлдүк кызга үйлөнүп, үй-бүлө курдум. Учурда жубайым экөөбүз Орусиядабыз", - дейт ал.

Санжар Медетов жыл сайын жай мезгилинде Кыргыз жергесине келип эс алып, ата-энесинин жанында чектелүү убакытты өткөргөндөн кийин Москвага сапар аларын кошумчалады.

Автор: Бактыгүл Момбекова

20:00 24-08-2019

Жазылуу

РУБРИКАДАГЫ СОҢКУ КАБАРЛАР

14:53 2025-05-08 | Коом жана турмуш

Бишкектен Делиге аба каттамы токтотулду 62 0

14:10 2025-05-08 | Коом жана турмуш

Жамгыр жаайт. 9-майга карата аба ырайы 231 0

13:02 2025-05-08 | Саясат

"Эки күн убакыт берем". Президент саламаттыкты сактоо министрин кескин сындады (видео) 1303 0

12:36 2025-05-08 | Кылмыштар, кырсыктар

Ошто көп кабаттуу үйдөн өрт чыкты 449 0

12:29 2025-05-08 | Түркүн дүйнө

Ильхам Алиев Москвадагы Жеңиш парадына катышпайт 981 0

12:23 2025-05-08 | Коом жана турмуш

Садыр Жапаров: "1-июлдан тарта офицерлердин маянасы 35 пайызга көбөйөт" 563 0

Архив

Комментарийлер (15)

jalguzum

2019-08-23 23:24:43

Ийгилик каалайбыз!!!

+25

Aziat25

2019-08-23 23:34:25

Ийгилик иним. Ойлогон максаттарыңар жет.

+23

Farkhat07.05.89

2019-08-24 00:22:26

Азамат....

+23

oscar

2019-08-24 04:14:09

Интеллигенттин баласы экенсиң, ийгилик каалайм

+21

Merelisha

2019-08-24 07:52:53

Кандай сонун жанылык. Ийгилик!

+15

katerina.li

2019-08-24 11:29:07

Азамат. Кубанып калдым окуп алып. Уй булон менен бактылуу бол

+13

Dembele84

2019-08-24 12:42:05

А молодец,актерлук онорун оркундой берсин!

+13

Aidar.001

2019-08-24 21:46:48

Орусча суйлобогон ролдор болсо мени дагы айтып койчу иним :)

+12

Snejana

2019-08-24 22:08:48

Менин жердешим экен. Апасын коргондой болуп атам. Эмнеси болсо дагы аман болгула. Азамат!

Domui

2019-08-24 22:17:48

Кино бутсо атын айтып кой коройлу, молодец ийгилик Аллахым колдосун

Nur777

2019-08-25 00:34:11

Окендер айтмакчы Фортуна удачи жылмайыптыр же Жараткандын бергени,эмнеси болсо да ушул шансты кармап,колундан чыгарба,дагы башка тасмаларга тартылууга аракет кыл,жакшы аткарганга тырыш,омур жолунда бурулуш болуптур туура пайдаланып кал...
Ийгилик жана уй-булолук бакыт каалайм,азаматсын!

Gulzina1993

2019-08-25 07:50:13

Ийгилик

tyrgon

2019-08-25 18:36:33

Баракелде азаматсын колдук балдар интелегент болот ушундай сен чимкириктерден ойдо турасын.

munduz2016

2019-08-25 22:51:22

Азаматсың, ийгиликтерди жарата бер!

suban78

2019-08-26 10:20:54

Жакшы шанс келиптир. Уйуно барганда уктабай, ролуну кузгудон кайракайра кайталап даярдан. Джеки Чан уктабайт экенго киного тартылып жатканда. Бир эле кыймылын жуз жуз жолу кайра кайра кузгунун алдында кайталап даярданат экен. Давай дерзай, ийгилик.

Комментарий калтыруу үчүн өз ысымыңыз менен кириңиз же каттоодон өтүңүз.