Нарын шаарында жол кырсыгынан бир адам каза болду

Тектеш кабарлар: 2019-жыл ичиндеги адам өмүрүн алган жол кырсыктары (155 материал)

Нарын шаарында жол кырсыгынан бир адам каза болду. Бул тууралуу бүгүн, 25-августта Нарын облусунун жол кыймылын камсыздоо башкармалыгынын басма сөз катчысы Калыс Өмүрзаков SUPER.KG порталына билдирди.

"24-август күнү саат 19:58 чамасында Нарын шаарынын 2000-жылы туулган Н.Б. аттуу жаран Ниссан Цефиро үлгүсүндөгү автоунаасы менен күн чыгыштан батышты көздөй баратып, ат минип бара жаткан адамды сүзгөн. Андан соң токтоп турган Жигули унаасын сүзүп токтогон. Натыйжада 1975-жылы туулган М.К., 1988-жылы туулган А.Ч. денесинен жаракат алган. Ал эми унаанын ичинде келе жаткан 1961-жылы туулган Ж.Б. каза болгон". - дейт Өмүрзаков.