"Дагы келдиңби?". Өзгөндө мыкаачылык менен өлтүрүлгөн табыптын акыркы сөзүн небереси коңшуларына айтып берди

Ош облусунун Өзгөн районундагы Мырза-Аке айылында 71 жаштагы аялдын жансыз денеси өз үйүнүн короосунан табылды. Ал мыкаачылык менен өлтүрүлгөнүн, денесине 9 жолу миздүү нерсе сайылганын милициядан билдиришти.

Маркумдун кошунасы Арзайым аттуу аял ал тууралуу буларды айтып берди. Анын айтымында, коңшусу эч кимге зыяны жок адам болгон.

"Анын сөөгү бүгүн, 9-сентябрда жерге берилди. Эч кимге зыяны жок, элге пайдасы гана тийген аял болчу. Азыр көп адамдар кабарды угуп алып ыйлап келип жатышат. Жаш кезинде акушер-гинеколог болуп иштечү. Менин кызымды да төрөткөн. Өтө карапайым эле. Себеби көп адамдар ооруп калса же балдарыбыз сыркоолосо кайрылчубуз. Өзү сыныктарды бат айыктырчу. Үйүндө мал багып, жер-жемиш өстүрүп, өзүнө тың аял эле.

Кошунамдын 2 эркек, бир кызы бар. Көп жылдар мурун кичүү эркек баласын өлтүрүп кетишкен деп айтышат. Кызы болсо Орусияда. Ал эми улуу баласы биздин айылда, бирок апасынан бөлөк жашайт. Өзү болсо, каза болуп калган уулунун кызын кичинесинен багып алган. Ал мектепте окуйт. Окуя болгон үйдө ошол небереси экөө жашачу. Баласы киши колдуу каза болгонун айтып, "акыйкатсыздык болуп калды" деп көп ыйлачу.

Милиция кызматкерлери кылмышкерди үч күндөн бери издеп жатышат, табыла элек. Баарыбыз эле мыкаачынын табылышын тилеп жатабыз. Үйдөгү небересинин айтымында, ал болгону чоң энесинин "дагы келдиңби?" деген эле сөзүн уккан. Андан соң уктап калган. Качан гана үй өрттөнүп, түтүндүн жыты мурдуна келе баштаганда кыз ойгонуп, кошунасынан жардам сурап барыптыр. Ал келип, короодо көмкөрөсүнөн жаткан коңшубузду, алыс эмес жерде кан болгон бычакты көрүптүр.

Орусиядан кызы каза болгон уулунун аялы келди. Алардын айтымында, үйдөн эч кандай акча алынган эмес. Баары ордунда. Ошондой эле бычак башка жактан келген. Себеби үйдө андай бычак болбогонун айтышууда. Азыр коңшулар, өч алууну көздөгөн адамдын эле колунан келген деп божомолдошууда", - деди маркумдун коңшусу Арзайым.

16:19 09-09-2019

Өзгөндө 71 жаштагы табыпты өлтүрүп, үйүн өрттөп кетишти

Автор: Айсалкын Качкынбекова

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 220 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 534 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 481 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 463 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 369 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 810 0

Архив

Комментарийлер (4)

kechirmeni

2019-09-09 16:43:58

демек тааныш эле адам олтуруптур да

+11

talaa11

2019-09-10 01:15:48

Менин ойумча бул Эжени конкуренттери эле олтуртту окшойт заказ менен бул эже сыныктарды аябай жакшы билет эле элдин баары ушул эжеге келип корунушуп жакшы болоондор миндеп саналат эле

Colombiana

2019-09-10 11:35:37

Балким,баласын олтургон адам олтурушу мумкун.Анткени,эненин журогу сезгич болот го.Акыйкатсыздык болуп калды деп коп ыйлачу деп турат го.Билген болсо керек баласын ким олтургонун.

kechirmeni

2019-09-10 12:37:56

Баласы наркоман эле ошол болушу мумкун деген да божомолдор бар экен

Комментарий калтыруу үчүн өз ысымыңыз менен кириңиз же каттоодон өтүңүз.