Кундуз Жолдубаеванын макамы күбөдөн шектүүгө өзгөрүлгөн жок. Ал эртең дагы ИИМде сурак берет

Бүгүн, 9-октябрда саат 12де КСДПнын атайын өкүлү Кундуз Жолдубаева ИИМдин Тергөө башкармалыгына суракка кирген. Анын буга чейин да Кой-Таш окуясы боюнча күбө катары сурак берип келгени белгилүү.

Жолдубаева бүгүн анын макамы күбөдөн шектүүгө өзгөртүлө турганын божомолдоп жатканын суракка кирип бара жатып SUPER.KG порталына билдирген. ИИМге сурак берип чыккандан кийин ал төмөнкүлөргө токтолду.

"Сурак 4:30да бүттү. Эртең саат 14:00гө кайра эле ИИМге суракка келүү боюнча жаңы эле колума чакыруу кагазын беришти. Бүгүн Алга Кылычов менен беттешүү болду. Тергөө кызыкчылыгына ылайык башка нерсе айта албайм", - деди Жолдубаева.

Ал эми жактоочу Замир Жоошев анын макамы өзгөртүүсүз калганын балким, эртең, 10-октябрда күбөдөн шектүүгө өтүшү мүмкүн деген божомолдор бар экенин айтты.

"Бүгүн Кундуз Жолдубаева ИИМге сурак берүү үчүн чакырылган. Алга Кылычов менен беттешүү болду. Биз бүгүн Кундуз Жолдубаеванын макамы балким, шектүүгө өтөбү деп божомолдоп жатканбыз. Бирок макам өзгөрбөй, күбө боюнча калды. Беттештирүү учурунда кандай көрсөтмөлөр берилгени боюнча токтоло албайбыз. Анткени тергөөнүн купуялуулугун сакташыбыз керек. Бизде Кундуз Жолдубаева эртең дагы суракка чакырылганына байланыштуу божомолдор бар. Алдыда Жолдубаеваны күбөдөн шектүүгө которуп, балким, баш коргоо чарасын дагы карашат", - деди Жоошев.

Кундуз Жолдубаеванын макамы өзгөрүүсүз калды. Ал эртең дагы ИИМде сурак берет

Автор: Гүлшат Ысамамат кызы
Фото: Гүлшат Ысамамат кызы

19:14 09-10-2019

Жазылуу

РУБРИКАДАГЫ СОҢКУ КАБАРЛАР

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1038 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 1452 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 1842 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1699 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 837 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 1682 0

Архив

Комментарийлер (5)

jugorsk

2019-10-09 19:48:02

Ашаны кой шеф кысып эле
сурак бер деп убагында айтканынарда бул бале жок эле.Бир уйбуло атасыз калбайт эле.

-5

altyn-kumush

2019-10-09 20:11:47

Кундуз айым жазасын алышы керек! Кой-Таш окуясы боюнча негизги уюштуруучу каармандардын бири ушул

-3

Absamat-90

2019-10-09 20:15:59

Кылган ишин ойлонуп корсун озу, балким бир баланын олумун алдын алса болот эле андан башка дагы иштерге аралашкандыгы учун турмодо калтырса деле болмок. Ошондо балким акыл кирмек

Altyn10076

2019-10-10 00:38:12

Макамы деген нени түшүндүрөт биринчи жолу угуп атам?

Farra16gsin

2019-10-10 21:29:07

Күнөөсү бар деп ойлойм Кундуздан дагы эми аны сот чечет

-1

Комментарий калтыруу үчүн өз ысымыңыз менен кириңиз же каттоодон өтүңүз.