УКМК: "Ширин Айтматова жолдошум деп жаткан жаран алдамчылыкка шектелип кармалды"

Жогорку Кеңештин мурдагы депутаты Ширин Айтматова жолдошум деп жаткан жаран кармалды. УКМК анын эмнеге кармалганы боюнча маалымат таратты.

"УКМКга М.М. аттуу Кытай жараны кайрылган. Ал С.Кенжебаев аттуу жаран алдоо жолу менен анын 350 миң доллар акчасын алганын айтып, чара көрүүнү суранган. Бул факты Кылмыштардын жана жоруктардын бирдиктүү реестрине 204-берененин (алдамчылык) 3-бөлүгү менен катталып, сотко чейинки өндүрүшкө алынган.

Тергөө амалдарынын алкагында Кытай жараны "Коопсуз шаар" долбоорунун экинчи этабына катышуу үчүн Кыргыз өлкөсүнө келгени маалым болгон. Ал кытайлык ири компаниянын өкүлү катары долбоорго инвестиция тартуу үчүн келген. Кытай жараны долбоорго катышууга даярданып жатканда С.Кенжебаев менен таанышкан. Жаңы таанышы анын ишенимине кирип, күтүүсүз чыгымдарга деп 350 миң доллар акчасын алып, кийин акчаны кайтаруудан баш тарткан.

Мындан тышкары, сотко чейинки өндүрүш ишинде С.Кенжебаев Кытай жаранынан дагы 250 миң доллар акча талап кылганы тууралуу далилдер алынган.

Жогорудагы иш боюнча 20-декабрда С.Кенжебаев кармалып, УКМКнын убактылуу кармоочу жайына киргизилди.

Жогорку Кеңештин экс-депутаты Ширин Айтматованын жогорудагы иш боюнча анын жолдошу кармалганы тууралуу билдирүүсүнө карата УКМК буга байланыштуу маалымат жоктугун билдирет. Анткени экс-депутат сурактардын биринде ишенимдүү түрдө жолдошу менен ажырашканын, ал эми С.Кенжебаев менен көпкө созулбаган жарандык никеде жашаганын айткан", - деп жазылат маалыматта.

Экс-депутат социалдык тармактагы баракчасы аркылуу жолдошу дайынсыз болуп жатканын билдирген. "Биздин атабызды Алматынын аэропортунан белгисиз адамдар кармап кетишти. Балким уурдап кетишти. Эч ким эч нерсе айтпай жатат", - деп жазган Айтматова.

Маалымат үчүн: 204-берене. Алдамчылык

Алдамчылык, башкача айтканда алдоо же ишенимге кыянаттык кылуу жолу менен олуттуу өлчөмдөгү бөтөн мүлктү ээлеп алуу же мүлккө болгон укукка ээ болуу, -

IV категориядагы түзөтүү жумуштарына же V категориядагы айып салууга, же I категориядагы айып салуу менен I категориядагы эркиндигинен ажыратууга жазаланат.

Төмөнкүдөй жасалган ошол эле жосун:

1) ири өлчөмдө;

2) адамдардын тобу же алдын ала сүйлөшүү боюнча адамдардын тобу тарабынан -

VI категориядагы айып салууга же II категориядагы айып салуу менен II категориядагы эркиндигинен ажыратууга жазаланат.

Ушул берененин 1 же 2-бөлүгүндө каралган, өзгөчө ири өлчөмдө жасалган жосундар, -

III категориядагы айып салуу менен III категориядагы эркиндигинен ажыратууга жазаланат.

Автор: Бактыгүл Момбекова

10:00 20-12-2019

Жазылуу

РУБРИКАДАГЫ СОҢКУ КАБАРЛАР

09:55 2025-06-09 | Коом жана турмуш

Аскер кызматкерлеринин кесиптик даярдыгы бааланды 34 0

09:53 2025-06-09 | Түркүн дүйнө

Казакстанда жарандардын жеке маалыматтарын саткан кылмыштуу топ кармалды 56 0

09:51 2025-06-09 | Түркүн дүйнө

Израил Madleen кемесиндеги активисттерди өз өлкөлөрүнө кайтарат 69 0

09:48 2025-06-09 | Спорт

Кыргыз күрөш боюнча республикалык мелдеш жыйынтыкталды 55 0

09:33 2025-06-09 | Түркүн дүйнө

Азербайжан менен Черногориянын футболчулары оюндан кийин мушташ чыгарышты (видео) 245 0

09:13 2025-06-09 | Түркүн дүйнө

АКШда жүргүнчү учагы кулап, бир нече адам жаракат алды 201 0

Архив

Комментарийлер (18)

baltabaev

2019-12-20 10:29:17

)))

-10

Alimbek1000

2019-12-20 11:20:49

Атанын татыксыз кызы!

-11

bessmertiy

2019-12-20 11:56:45

Alimbek1000, Күйөөсү кармалса атасынын кандай тийешеси бар?

+11

Alimbek1000

2019-12-20 11:21:15

Атасын шерменде кылып бүтмөй болду бул.

-12

Absamat-90

2019-12-20 10:34:35

Алдамчылык менен кармалган турбайбы.

-3

Makain

2019-12-20 10:39:57

Шок болуп кетти буга чейин кармалбаган эми кармап алганын

chake

2019-12-20 10:46:14

350 миң доллар деген эмне деген акча уурулар ууру камалсын деп жүргөн турбайбы шерменделер

-5

Altyn.bala

2019-12-20 11:27:49

chake,Раимдин орду кайда ошондо?Ал жонундо эмне унчукпайсын.Кытай жаранынын фактысы бар экенби?Отуп келсин фактысы болсо.

Abdizhapar

2019-12-20 10:49:44

Учунчу революция жакындап калгандай го

murat17

2019-12-20 12:14:04

Abdizhapar,эгер 3 революция болсо Кыргызстан дагы артка кайтат

-3

Mintip-menu-suybo

2019-12-20 10:50:00

Жалган маалымат болсо керек... Кытайлар олуп баратса 350мин долларын бербейт жондон жон... Ишенбейм... Рикиге тийишкен учун кармалды куйоосу деп ойлойм...

+10

Bars.

2019-12-20 15:43:55

Mintip-menu-suybo,Рикин ким?

-3

zaman96

2019-12-20 11:04:30

Ширин Айтматова атанын кызы боло албай калды. Вариантарды карады бирок майнап чыкпады. Депутат болуп отурган кезде эч бир иш кылбай жүрдү эле эми эмнеге дагы ошол жакка аракет кылып жатат.

-10

Kyrgyz_bloger

2019-12-20 11:17:42

Россиянын жараны Текебаевды каматты эле,эми Кытайдын жараны каматты дейт,тан калычтуу коопсуз шаарды жасаганы келген инвесторлор болсо мнеге окмот менен иштешпей окмотко акча бербей башка эле адамга берет акчаны,буга ишениш кыйын ТЭЦ ишинде акча Кыргызстанга кирген дагы эмес деген,бул иште деле акча бизге келиши мумкун эмес алар камераларды Кыргызстандан сатып алмак беле,Кытайдан ала келмек да.

+10

Aimani

2019-12-20 11:50:07

Айтматовдун атын атабай эле Кенжебаев деген жаран деп жазса болбойбу? Кантсе да Чынгыз атабыз улуу инсан. Сасык саясат

+10

AksyKum

2019-12-20 23:03:26

Aimani,сасык саясатта Уулу атанда жургон.Акаевдин артын таптаза кылып ######

-2

Jelezo

2019-12-20 12:34:18

Атамбаевдин кочу уланып жатат, Мадумаров туура эле айтыптыр.

kadam

2019-12-20 23:52:44

Кечээтен бери күйөөм жоголду деп долуланып бүт дүйнөгө айгай салды эле. Бүгүн аны менен жашабаганын УКМКга айтканын кандай түшүнсө болот? Деги күйөөсү ким?

Комментарий калтыруу үчүн өз ысымыңыз менен кириңиз же каттоодон өтүңүз.