Жокердин ролун ийине жеткире аткарган актёр "Алтын глобус" сыйлыгын алды. Бул сыйлык дагы кимдерге берилди?

"Алтын глобус" сыйлыгы менен жыл сайын кинематография тармагында өзгөчөлөнгөн актёрлор, актрисалар, режиссёрлор жана музыканттардын эң мыктылары сыйланышат. Бул жылы сыйлык тапшыруу аземи Лос-Анжелесте 77-жолу болуп өттү. Лауреаттар 100дөн ашык калыстар тарабынан тандалып алынат.

Ага ылайык, иш-чаранын триумфатору Квентин Тарантинонун "Бир жолу Голливудда... " ("Однажды… в Голливуде") тасмасы аталды. Бул тасма бир учурда 3 сыйлыкты "Эң мыкты сценарий", "Эң мыкты музыкалык жана комедиялык тасма" жана "Экинчи пландагы эң мыкты актёр" наамын багындырды. Ал эми экиден наамды "Жокер", "Рокетмен" жана "1917" тасмалары алышкан. Мындан сырткары, сериалдардын эң мыктысы катары "Чернобыль" жана "Жийиркеничтүү кыз" ("Дрянь") табылган. Алар экиден Алтын глобуска ээ болушту.