Кыргыз-Тажик чек арасындагы Көк-Таш айылынын жашоочусу: "Ата-энесин, жерин коргоп, Орусияга иштегени кетпей жүргөндөр көп"

Баткен районунун Көк-Таш айылынын тургуну Мунарбек Каттабеков аталган айыл чек арада болгондугуна байланыштуу тажик тарап менен байма-бай жаңжал чыгып турарын айтты. Ал бүгүн, 13-январда Ак Үйдүн алдына чек арадагы ызы-чуу боюнча кармалган төрт жаранды бошотуу талабы менен чыккандардын бири.

Каттабеков суроолорго жооп берип жатып, Көк-Ташта канча ызы-чуу болсо да ал жерден көчүп кетүүнү ойлобогонуна токтолду.

"Чыр-чатак башталганда жергиликтүү элге оор эле болот. Коркунуч туулганда айылдагыларды мектепке көчүрүшөт, ал эми тажиктердин көчкөнүн көрбөйбүз. Бул бизди алар алдын ала даярданып, балдарды, аялдарды адегенде башка жакка көчүрүп коюп анан жаңжалды башташабы деген ойго түртөт. Биз аралаш жашайбыз, бир көчөдөн басып, бир арыктан суу алабыз. Ошондуктан күнүмдүк турмуш тиричиликтеги жагдайлардан да чыр чыга берет. Учурда айылда 3 миң адам жашайт дешет, бирок арасында чет өлкөгө иштегени кеткендер да бар. Ушул жерден айта кетүүчү жагдай, кээ бир үй-бүлөлөрдө жумуштун жоктугуна карабастан ата-энесин, жерин коргоп, Орусияга иштеп келүүгө кетпей жүргөн жаштар көп.

Көк-Таш кимдир-бирөө үчүн жөн эле Көк-Таш болсо, биз үчүн туулган жер. Ал жерден көчүрөбүз дешсе да биз көчпөйбүз. Биз мекенибизди коргоого даярбыз", - деди Каттабеков.

Бүгүн Ак Үйдүн алдына "Чек ара" коомдук бирикмесинин өкүлдөрү жана Көк-Таш айылынын тургундары чыгышты. Алар 9-январдан 10-январга караган түнү тажик тараптан ок атуу, таш ыргытуу болгондо чыккан төрт Кыргыз жаранынын кармалышы негизсиз деп, бошотууну бийликтен талап кылышты.

Баткендеги кыргыз-тажик чырында кармалган 4 жаранды бошотуу талабы коюлду

Автор: Кызжибек Раимова

17:32 13-01-2020

Жазылуу

Тектеш кабарлар:

Кыргыз-Тажик мамлекет башчылары жолугушту

Эмомали Рахмон чек ара чырында каза болгон жарандардын жакындарына көңүл айтты

Кыргыз-Тажик чек арасындагы кырдаал өзгөргөн жок. Исфана-Баткен жана Исфара-Ворух жолдору жабык бойдон турат

Кыргыз-Тажик чек арасындагы ок атышуудан жабыркагандардын арасында 14 жаштагы өспүрүм бар

Кыргыз өлкөсүнүн вице-премьери менен Тажикстандын премьеринин орун басары чек ара маселеси тууралуу сүйлөшүштү

Ак-Сай айылынын тургуну: "Чек арада дагы бир Кыргыз жараны октон жаракат алды"

Премьер-министр Куралдуу күчтөрүнүн аскердик-транспорттук учагы менен Баткен облусуна келди

Баткен облусунун жашоочуларынын зыянга учураган үйлөрү мамлекеттин эсебинен толугу менен калыбына келтирилет

"Миномёттон үн чыкты, элчиден үн чыккан жок". Жаныш Рустенбековду чек ара чырында издегендер көп болду

"Жааган октон качып баратып каналга түшүп кеткен". 5 жаштагы наристенин өлүмү боюнча териштирүү иши башталды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (4)

Jaznura

2020-01-13 17:46:13

Орусияга барып иштегенче мекенди коргогондун эмнеси жаман.

-7

Tolkun555

2020-01-13 18:43:55

Ушуларга баатыр наамын бериш керек.ак уйду акча учун басып алгандарга эмес.кээ бироолорго катуу тийсе кечирип койгула.

Tolkun555

2020-01-13 18:50:13

Апрель баатырлары эр болсонор границага баргыла.Бакиевди кетирбегенинерде тажиктер баш котормок эмес. Отунбева элди атууга буйрук берген деп ватсаптарда таркап жатат.тарых алдында баатыр эмес куноокор болуп каласынар жакында.

talaa11

2020-01-14 07:19:16

Бул Бийлик оз элине душман болдуго гуйбогон жеринди кул кылып жерин коргоп отурган элдерди кайра камаганы эмне деген шумдук айланайын

Комментарий калтыруу үчүн өз ысымыңыз менен кириңиз же каттоодон өтүңүз.