Шашылыш билдирүү! Бишкек-Ош унаа жолунда кар көчкүсүн атайылап түшүрүү иштери жүрүүдө

19-февралдан 26-февралга чейин Бишкек-Ош унаа жолунда артиллериялык куралды колдонуп, кар көчкүсүн атайылап атып түшүрүү иштери жүрөт. Бул тууралуу Өзгөчө кырдаалдар министрлигинин басма сөз кызматынан билдиришти.

"19-февраль күнү ӨКМнын ыкчам тобу жана КК ГШнын артиллериялык эсеби саат 17:00дө Бишкек-Ош унаа жолунун Кусеин Көлбаев атындагы тоннелдин аймагында (Төө-Ашуу ашуусу) кар көчкүлөрүн атайылап атып түшүрүү иш-чараларын башташкан. Жыйынтыгында 3750 метр куб кар көчкү түшкөн.

Кар көчкүлөрүн атайылап атып түшүрүү иш-чаралары 20-февраль күнү улантылат", - деп жазылат маалыматта.

Автор: Гүлжамал Абылкасымова