Мурда караңгы болуп келген жер алдындагы өтмөктөргө жарык орнотулду

Бишкектин караңгы болгон жер алдындагы өтмөктөрүнө жарык орнотулду. Бул тууралуу шаардык мэриядан билдиришти.

"Бишкек жарык" муниципалдык ишканасы 85 даана коргонуучу торчолору бар шамчырак орнотуп (торчолор вандалдарга каршы колдонулган чара экендиги белгиленет), 1 миң 110 метр электр чубалгыларын жаңылады. Бардык жер алдындагы өтмөктөргө энергияны үнөмдөөчү чырактар коюлду. Жарык орнотулган жер алдындагы өтмөктөрдүн тизмеси:

Ибраимов, Байтик Баатыр көчөлөрүнүн кесилиши;
Манас кең көчөсү менен Лев Толстой көчөсүнүн кесилиши;
Байтик Баатыр, Саманчин, Аалы Токомбаев көчөлөрүнүн кесилиши.

Мэрия 2020-жылы дагы башка көчөлөрдөгү, тагыраагы 7-аперель көчөсү менен Лев Толстой көчөсүнүн кесилишинде жайгашкан; Чүй кең көчөсү менен Фучик көчөлөрүнүн кесилишиндеги; Тоголок Молдо-Москва көчөлөрүндөгү жана Чыңгыз Айтматов - Горький көчөлөрүнүн кесилишиндеги жер алдындагы өтмөктөргө, ошондой эле Чыгыш жана Батыш автобекеттеринин жанындагы жер алдындагы өтмөктөргө жарык орнотууну пландоодо.

Мэрия шаардыктарды жаңы орнотулган шам чырактарды сындырып, талкалабай аяр мамиле жасоону суранат! Жер алдындагы өтмөктөргө жарыктар боюнча авариялык-диспетчердик кызматтын номери: 0312 46-30-89; 57-63-51 мындан тышкары WhatsApp номери аркылуу билдирме жөнөтсө болот: 0777 902-115.

Автор: Бактыгүл Султаналиева

12:46 03-03-2020

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 916 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 610 0

16:22 2025-05-09 | Супер-Инфо

Геморрой жана анын түрлөрү 642 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1904 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 715 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1291 0

Архив

Комментарийлер (5)

bekhaliev

2020-03-03 13:00:26

Эми ушунуда мактанбай койсонор болот эле

Agayu

2020-03-03 14:05:34

Өтө чоң жаңылык !

tavanova.sarah

2020-03-03 14:42:30

Шайлоо жакыыын шайлоо жакын))
Эми эмнелер гана болбойт дейсин))

aiba_00

2020-03-03 16:01:17

Шайлоого жакын, биздин тупик кочолорубуз да жаркырап калды, оло тан калдым. Бир чон кочобуздо уч лапмочка куйуп турчу эле азыр шыгырата свет коюп кетти 2 жума болду, шайлоонун астында эле кыймылдап калышат экен да кем карчты сурапчы эмн кылып бере калалы депчи.

gitaris93

2020-03-03 21:11:56

1 жылда 5 шайлоо болсо кртан жаркырап кетет го

Комментарий калтыруу үчүн өз ысымыңыз менен кириңиз же каттоодон өтүңүз.