Дарыядан аккан жашыл суу. Мамэкотехинспекция суунун курамы бузулганын билдирди

"Аламүдүн дарыясында жашыл суу агып жатат" деген маалымат боюнча Мамэкотехинспекциянын жетекчисинин орун басары Расул Артыкбаев жаңы жагдайларга токтолду.

Жогорку Кеңештин кезектеги жыйынында Мамэкотехинспекциянын жетекчисинин орун басары Расул Артыкбаев дарыядан жашыл түстөгү суу агып жатат деген маалымат түшкөндөн кийин Саламаттыкты сактоо министрлиги, Өзгөчө кырдаалдар министрлиги жана башка мамлекеттик, муниципалдык органдардын өкүлдөрүнөн текшерүүчүлөр тобу түзүлгөндүгүн айтты. Анын айтымында, Ала-Арча айыл өкмөтүнүн аймагына текшерүү жүргүзгөндө, соода жүргүзүү үчүн орун даярдалып жатканы жана мыйзамсыз элементтерди орнотушканы аныкталган. "Санэпидемстанциянын кызматкерлери жана башка ишкана өкүлдөрү суудан лабораториялык изилдөө жүргүзүү үчүн үлгү алышкан. Болжолдуу түрдө сууда нитрат менен нитриттин курамы басымдуулук кылган", - деп билдирди Артыкбаев.

Ошондой эле ал учурда лабораториялык анализдер кайрадан жүргүзүлүп жатканын кошумчалады.

Эске салсак, 29-февраль күнү социалдык тармактарга "Аламүдүн дарыясынан жашыл түстөгү суу агып жатат" деген аталышта видео тарап, талкууга түшкөн. Бул боюнча Шаардык мэриядан "Фейк маалымат" деген билдирүү тараткан. Ал эми Өзгөчө кырдаалдар министрлиги маалыматты төгүнгө чыгарууга шашпай, дарыя суусунан анализ үчүн үлгү алынганын жана жыйынтыгы жакында чыгарын билдирген.

Автор: Гүлжамал Абылкасымова

21:05 05-03-2020

Жазылуу

РУБРИКАДАГЫ СОҢКУ КАБАРЛАР

10:20 2026-07-01 | Коом жана турмуш

Бишкекте жалган милиция кызматкери кармалды 130 0

10:11 2026-07-01 | Спорт

Футбол-2026: Мексика Дүйнө чемпиондугунда плей-оффтун кийинки айлампасына чыкты 217 0

10:08 2026-07-01 | Түркүн дүйнө

Венесуэлада куткаруучулар 3 жашар баланы ажалдан биринчи табышты 157 0

10:08 2026-07-01 | Түркүн дүйнө

Францияда президенттик шайлоонун болжолдуу датасы белгилүү болду 175 0

10:07 2026-07-01 | Түркүн дүйнө

Иран деңиз блокадасы алынган соң канча мунай экспорттогонун билдирди 199 0

10:02 2026-07-01 | Түркүн дүйнө

Месси "Жөргөмүш адам" тасмасынын жарнамалык ролигине тартылды 210 0

Архив

Комментарийлер (8)

marat_1910

2020-03-05 22:54:09

ох ата ошондо Шаардын мээри фейк деп алдап жашыра кала

marat_1910

2020-03-05 22:54:28

йын деген туура

gitaris93

2020-03-06 00:44:29

Курбан ыраазы болсун чындыка дал келбейт деди элего

Kyrgyz_bloger

2020-03-06 03:33:33

Мэр жалган айтканы учун жооп берсин,анан натрит нитрит дебей так айткылачы эмне тогулгон,ким токкон,тапкыла да,ошону изилдей албай каронавирус менен кантип курошобуз.

+16

bekbol2006

2020-03-06 04:02:49

Таштан ташка урунуп аккан монгу Сууларыбыз ууга айланып баратат...

katerina.li

2020-03-06 10:13:38

Эптеп бир жооп кылыптыр. Суу бузулганы лаборатория лык изилдоосу жок эле корунуп турат ко жапжашыл болуп.

guard

2020-03-06 11:20:16

Мэрликтин деле кереги жок ко бизге ия, алар бир нерселерди салдык, анан курулушка, соода орундарына уруксат бердик деп эле жеп иче беришет экен, а мындайга келгенде уйлорундо жатып алып эле жооп берип коюшат экен «фейк да» деп, бул жакты изилдегенде аларга не, эч ким пара бербейт да...

Mambetali

2020-03-06 11:58:43

Ушу элди алдаган жогорку кызматтагыларды башына башына чаап салсан а...

Комментарий калтыруу үчүн өз ысымыңыз менен кириңиз же каттоодон өтүңүз.