Ошто жолдошун жоктоп, боз үйдө ыйлап отурган жеринен кармалган аял 9 жылга эркинен ажыратылды

Ош облусунун Алай районунда каза болгон күйөөсүн жоктоп, боз үйдө ыйлап отурган жеринен кармалган маркумдун жубайы 9 жылга эркинен ажыратылды. Бул тууралуу Ош облустук сотунан билдиришти.

Маалыматка ылайык, Ош шаардык соту чечимди 4-март күнү чыгарган. Анда айыпталуучу П.Г. угузулган айыптары боюнча күнөөлүү деп табылып, 9 жылга эркинен ажыратылды. Ошондой эле 90 миң сом айып салынды.

"Ал эми соттолгон аялдын 2014-жылы жана 2015-жылы туулган балдарын туугандарына өткөрүп берүү маселеси Ош шаардык социалдык өнүгүү башкармалыгынын үй-бүлө жана балдарды коргоо бөлүмүнө милдеттендирилди. Ош шаардык сотунун өкүмү акыркы эмес жана нааразы тарап апелляциялык тартипте Ош облустук сотуна даттанууга укуктуу", - деп билдиришти басма сөз кызматынан.

Окуянын чоо-жайы:

Ош шаардык ички иштер башкармалыгынын оперативдүү кызматкерлери Алай районунда каза болгон күйөөсүн жоктоп, боз үйдө ыйлап отурган жеринен адам өлтүрүүгө шектүү катары Ош шаарынын 1991-жылы туулган тургуну П.Г. аттуу келинди кармашкан. Келин алгачкы тергөө амалдарынын жүрүшүндө өз күйөөсүн башына арматура менен чапкандыгын моюнуна алган. Алгачкы тергөө амалдары көрсөткөндөй, маркум 1973-жылы туулган Ы.Ү. өз аялы менен өз ара пикир келишпестиктен улам жакшы эмес мамиледе болгон.

2019-жылдын 19-ноябрында болжол менен саат 23:30 чамаларында Ош шаарындагы көп кабаттуу үйлөрдүн бириндеги үйүнө кирип, бут кийимин чечип жаткан учурда аялы арматура менен башына үч ирет чапкан. Натыйжада маркум Ош шаардык ооруканасында өзүнө келбей каза болгон. Оор абалда жаткан күйөөсүнө "Тез жардам" кызматын аялы жана коңшусу чакырган. Аялы өз кылмышын жашырып, коңшусуна "сырттан жараат алып келип, жатып калды" деп айткан. Каза болгон жаран Ош шаарында маршруттук такси айдап иштеген. 4 баланын атасы болгон.

Автор: Айсалкын Качкынбекова

16:41 12-03-2020

Жазылуу

РУБРИКАДАГЫ СОҢКУ КАБАРЛАР

13:58 2025-06-08 | Түркүн дүйнө

АКШда Лос-Анжелестеги башаламандыктардан улам демонстранттарга беткап кийүүгө тыюу салынат 25 0

13:44 2025-06-08 | Түркүн дүйнө

АКШда дүйнөгө белгилүү TikTok жылдызы кармалган 168 0

13:26 2025-06-08 | Түркүн дүйнө

Индонезиянын президенти футболчуларга Rolex кол сааттарын белекке берди 183 0

13:05 2025-06-08 | Түркүн дүйнө

АКШнын Улуттук гвардиясы Лос-Анжелеске нааразылык акцияларына байланыштуу жайгаштырылат 297 0

12:13 2025-06-08 | Түркүн дүйнө

Белгилүү актёр жана музыкант Жаред Лето ыдык көрсөтүүлөргө айыпталууда 307 0

11:46 2025-06-08 | Түркүн дүйнө

Трамп орун басары Вэнске Маскты сындаганга тыюу салган 537 0

Архив

Комментарийлер (8)

Dani

2020-03-12 22:06:33

Кыйраттынар жакшы иш кылыпсынар,Бат эле куноолоп камап койдунар,чиновниктер неге мындай болбойт соту бутпой койдуго такыр эле,коп нерсе жазайын дейсин бан дегени бар

-ali

2020-03-12 22:38:45

Айида еженердин баласы 18ге чыккыча кутосунор бул айалды кутконго болбойбу

+11

Mister-X

2020-03-13 01:35:55

Аялдар кордолду,олуп жатаь деген укук коргоочулар кана?Кеттик эркектер митингге..Эркектердин укугун коргобосок,аялдардын колунан олуп жок болуп кетпейли..

suban78

2020-03-13 10:24:23

Mister-X, эртен менентен маанайды котордун. Кулуп алдым. Чындап. Жок болуп кетпейлиии...

Gsuita

2020-03-13 01:36:36

Аялды өлтүрүп койгонго чейин унчукпай жүрө бериши керек эле да. Өлтүрүп койсо да, ырас кылыптыр өзү аялы тилинен кетиптир дешмек. Өлтүрсө демек ошого жеткирди да жадатып.

Kultegin

2020-03-13 11:15:15

Gsuita, Адам олтуруш сага оюнбу. Балдары жетим калды. Не болсо дагы Адам олтуруп атат. Жогорку жактагы комент. Жазгандар Адам олтуру фактысы далилденип атат камайтда, балдарын озу ойлобосо соттор ойлойбу. Балдарым жетим кандай кунду корот, кудайдын алдында кантем деп ойлонуп иш кылса мындай болбойт эле. Колу менен кылганын мойну менен тартсын Эми.

MOTOP

2020-03-13 12:17:20

аялды уйдо камабай кичине эшикке чыгарып шамалдатып туруш керек,а то жиндеп кетет экен

KaGaH

2020-03-13 14:17:53

Артист го аялы,менин да аялым артист эле ушундай,жок жерден уруш чыгарып кыйкырып өкүруп бакырып

Комментарий калтыруу үчүн өз ысымыңыз менен кириңиз же каттоодон өтүңүз.