"Мушташам деп чыкты". Жалал-Абадда мэриянын жардамын таратып жүргөндөрдү сөккөн адамга кылмыш иши козголду (видео)

"6-апрель күнү Жалал-Абад шаарынын Жеңиш көчөсүнүн тургуну 40 жаштагы А.Б. арыз менен кайрылган" деп билдирди Жалал-Абад шаары жана Сузак району боюнча комендатуранын басма сөз кызматынан.

Маалыматта жазылгандай, анын арыз жазуусуна ошол эле күнү болжол менен саат 11:30 чамаларында Жалал-Абад шаарынын Курорт көчөсүндө Гани аттуу киши эч бир себепсиз уят сөздөр менен сөгүп, урууга аракет жасаганы себеп болгон. Бул окуя боюнча Жалал-Абад ШИИБи тарабынан алдын ала текшерүү иштери жүргүзүлдү.

"Жалал-Абад шаардык мэриясы тарабынан муктаж болгон үй-бүлөлөргө алдын ала түзүлгөн тизме менен ун жана башка азык-түлүк таратылып жаткан учурда 33 жаштагы Б.Г. «мага да жардам барбы?» деп айыл активи А.Б.га кайрылган.

Айыл активинин «Бул тизмеде жок экенсиң, биздин жумушка тоскоолдук кылбай тур» деген жообун угуп, ачууланып уят сөздөр менен сөгүп, кол көтөрүүгө аракет жасаган. ӨКМнын кызматкерлери ортого түшкөн. Б.Г. алар менен да мушташууга аракет жасап, оозго алгыс уят сөздөр менен сөгүнүп, бейбаштык аракеттерди жасагандыгы аныкталган жана бул учур жабырлануучу тарабынан видеого тартылып алынган.

Бул факты боюнча топтолгон материал Жалал-Абад ШИИБинин Кылмыштардын жана жоруктардын бирдиктүү реестрине катталып, Жоруктар кодексинин 119-беренеси "Майда бейбаштыктын" негизинде сотко чейинки өндүрүш иши ачылган.

Шектүү өзүн ачуулукка алдырганын, чынында анын да үй-бүлөсү жардамга муктаж экендигин билдирип, кечирим сураган. Учурда сотко чейинки өндүрүш ишинин алкагында тергөө иштери улантылууда", - деп жазылат маалыматта.

Эскертүү: Видеодо сөгүнгөн сөздөр бар!

Жалал-Абадда мэриянын жардамын таратып жүргөндөрдү сөккөн адамга кылмыш иши козголду

Автор: Кызжибек Раимова

20:01 07-04-2020

Жазылуу

Тектеш кабарлар:

Коронавирус илдетинен бир суткада 10 адам кайтыш болду

Өзбекстанда коронавирус аныкталган адамдардын саны 3 миң 333кө жетти

Орусияда "Өлбөс полк" акциясы онлайн түрүндө өтөт

Жалпы 506: Өлкөдө дагы 17 адамдан коронавирус аныкталды. Соңку күндөрдү алганда биринчи жолу медицина кызматкерлери бул катарда жок

+207. Бул ирет коронавирус эң көп Баткен менен Жалал-Абад облустарында катталды

Коронавирус аныкталган бейтаптардын көбү оорулуулар менен байланышта болгондор экени айтылды

Коронавирустан каза болгон адамдын денеси тирүү адамдарга коркунуч жаратпайт

Бишкекте дезинфекция иштери саат 21:00дөн түнкү 03:00гө чейин жүргүзүлүүдө

Дүйнөлүк саламаттыкты сактоо уюму мектептер качан ачылса болорун айтты

Сутка ичинде медицинанын 28 кызматкери коронавирус жуктуруп алгандыгы аныкталды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (8)

aslonur

2020-04-07 20:15:43

Ушул неге майда бейбаштык? Бул деген акыбалды билип туруп провокация кылып жатпайбы

KalenAlmaz

2020-04-07 20:21:02

Нерв калбады да адамдарда уйдо жатып,казынан жык болсо гооо жатмаксын

Isa2014

2020-04-07 20:27:10

Эртерээк карантинден чыкпасак көбүндө башталат мындай окуялар.Элдер уже ачка боло баштады. Бул жакшы көрүнүш эмес

Bezlisa

2020-04-07 20:39:55

Бул күндөрүбүз эртерек бүтүп кетпесе карапайым калк нервтен оруп калышты бала чаканы кантип багабыз квартиранын акчасын кантип төлөйбүз иштейин десен ишин жок деген ойлор менен....!!!!!

Аттин ааааааааай Кыргыз элиме кыйын болуп атат сабыр кылгыла бул күндөрүбүз да өтөт буйруса.....!!!!!!!

rola

2020-04-07 21:24:33

Уйдо иш жок олтуруп калса,бала-чакасына жеткире албай нерв болгонго.Негизи тааныш-билиш болуп, кобунчо муктаж болгондорго жетпей калат.

Chungyz

2020-04-07 21:32:02

жардам бергендер да элдерди басмырлабай милдет кылбай берсенер мындай нерселер болбойт

Ma9

2020-04-07 22:29:49

Не кылсын бечара уйдо продукта тугонуп не кылар айласын тапай атса чондор берип атабыз эле дейт кана ошол жардам эч кимге берилген жок угуп атабыз мерияда иштеген мамлекете иштегендер уйно апкелип туугандарын начар уй було деп жаздырып алып атышканын ынсап кылгылачы кудай коруп туратко

janka7

2020-04-08 02:28:50

Бугун жардам келген экен биз жака ,байдын байлыгын байкуш кызганат болуп бир эже мен алам,пропискасы барлар алат ,квартиранттар албайт.бизден ашса аласынар деп ызылдайт.кв.р болсо тизилип калыптыр эмне кылышаарын билишпей.мен айттым анан кв.р ачка болбойбу?же жардам алыш учун созсуз уйлуу болуш керекпи деп.ызылдашып жатып болунду бир килодон болсо дагы.аягында ашырып туруп уйуно кийирип кетиптир.озу мугалим эже ынсап берсин деп койдум

Комментарий калтыруу үчүн өз ысымыңыз менен кириңиз же каттоодон өтүңүз.