"Алар тапшырган экспресс-тесттин жыйынтыгы таза чыккан жок". Таластагы блокпосттон жүк ташыган айдоочу менен жүргүнчү өткөрүлгөн жок

Талас районундагы Талды-Булак айылындагы блокпосттон жүк ташыган айдоочу менен жүргүнчү өткөрүлгөн жок. Бул тууралуу интернетке видео тарап, анда автор "Айдоочу менен жүргүнчү тапшырган тесттин жыйынтыгы таза чыккан жок, мындан улам алар облустун аймагына киргизилбей, артка кайтарылды" деп айтканын угууга болот.

Бул боюнча Талас райондук мамлекеттик санитардык-эпидемиологиялык борборунун эпидемиологу экспресс-тест деле кээде туура эмес жыйынтык чыгарып коюшу мүмкүн экенин айтты.

"Видео качан тартылганы тууралуу маалыматым жок. Бирок вируска тапшырган тесттин жыйынтыгы оң чыгып, ооруп жатат деген туура эмес. Анткени тесттин жыйынтыгы дайыма эле туура чыга бербейт, мындан улам кайрадан тест алууну талап кылат. Айрым учурда жүргүнчүнүн же айдоочунун башы ооруп, кан басымы жогорулап, жол жүргөндө кыйналышы мүмкүн. Ошондой учурда экспресс-тест таза деген жыйынтык чыгарбайт. Кээде экспресс-тест өзү жараксыз болушу мүмкүн. Мындай учурда биз алардан мазок алып, Бишкектеги лабораторияга жиберебиз. Кудайга шүгүр, бүгүнкү күнгө чейин жыйынтыктардын баары таза чыгууда.

Биз экспресс-тестти 26-марттан тарта колдонуп баштаганбыз. Бүгүнкү күндө бизде ПЦР-тесттер жетиштүү, улам толукталып, жиберилип жатат", - деди эпидемиолог.

30-марттан тарта Талас облусуна эч ким киргизилбейт жана чыгарылбай турганын өкмөттүн Талас облусундагы ыйгарым укуктуу өкүлүнүн басма сөз кызматынан билдиришкен. Анда Талас районунун Талды-Булак айылына орнотулган пост жабылып, облуска сырттан бир гана Талас облусунда жашаган жарандар текшерүү иш-чараларын жүргүзгөндөн кийин киргизилери маалымдалган.

Облусту "таза" кармоо максатында блокпосттон ар бир жарандан коронавируска экспресс-тест алынып, жыйынтыгы 2 саатта аныкталат.

Автор: Бактыгүл Момбекова

19:02 09-04-2020

Жазылуу

Тектеш кабарлар:

Америкада эмгектенип жаткан кыргыз жаштары тарабынан Балыкчы шаарына 12 даана кычкылтек концентратору берилет

"Борбордук шайлоо комиссиясынын 80 пайыз кызматкери изоляцияда деген маалымат чындыкка дал келбейт" дейт БШКнын өкүлү

"Ведомости" басылмасы өз аталышын убактылуу "Вседомой" ("Баарыӊар үйгө") деп өзгөрттү

Биринчи вице-премьер-министр Алмазбек Баатырбеков коронавирустан айыгып, жумушка чыкты

Өзгөрүү чагылгандай тездикте! Коронавирустан каза болгондор катталган алдыңкы 10 өлкө (27-мартка карата)

Таласта лаборатория жок болгондугу үчүн коронавирус менен ооругандар аныкталган жокпу? Министрликтин өкүлү жооп берет

Тажикстанда бир суткада 61 адамдан коронавирус аныкталды

COVID-19'га кабылгандар үчүн борбордо жайгашкан стационарлардагы бош орундардын тизмеси

Күн сайын күчөп жатат. Орусияда акыркы бир сутка ичинде 11 миң 231 адамдан коронавирус аныкталды (тизме)

"Балдар лагерлерине жайгаштырылат". Москвадан келе жатып Казак-Орус чек арасында калып калган кыргыздар боюнча маселе чечилди

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (4)

akmanai

2020-04-09 19:56:11

Азаматсынар мамлекетибиз Талас облусубуздан улгу алсанар болгудай экен. Ушу бойдон таза кетсе экен эми.

Aikaaaa

2020-04-09 20:02:32

Жакшылап карап киргизбегиле, негизи эле. Таласка деле, башка жакка деле

katerina.li

2020-04-09 20:19:14

Супер инфо,силерден сураныч. Ошол талды булактагы посттон Акча берсе откоруп атат деп Элдер ушак чыгарып атат ко. Чын тогунун билип бере аласынарбы. Алдын ала ракмат

Nur777

2020-04-09 23:28:55

Таластыктар кыйын экен,башка жерликтер анча-мынча пул корсотуп койсо же шептин жердешимин ж.б деп койсо откоруп жиберишмек))

Комментарий калтыруу үчүн өз ысымыңыз менен кириңиз же каттоодон өтүңүз.