Айыккандар көп болсун! 10-апрелге карата 9 бейтап коронавирустан сакайып, үйлөрүнө чыгышты

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бүгүн, 10-апрелге карата өлкө боюнча 9 бейтап коронавирус илдетинен айыгып, үйлөрүнө чыгарылды. Маалыматты саламаттыкты сактоо министринин орун басары Мадемин Каратаев онлайн брифингде билдирди.

"Сутка ичинде өлкөдөгү стационарлардан 9 бейтап айыгып, үйлөрүнө чыгарылды. Аларды ооруканадан чыгаруудан мурда кайрадан коронавируска тест алынып, жыйынтыгы таза деп чыкты. Айыккандар:

Ош облусунда - 1;

Жалал-Абад шаарында - 5;

Бишкек шаарында - 3", - деп билдирди ал.

Муну менен өлкө боюнча коронавирустан 39 жаран айыкты.