Президент мунапыс жөнүндө мыйзамга кол койду. Кимдер бошотулат? (тизме)

Президент Сооронбай Жээнбеков "1941-1945-жылдардагы Улуу Ата Мекендик согуштагы Жеӊиштин 75 жылдыгына жана 2010-жылдагы Элдик Апрель революциясынын 10 жылдыгына байланыштуу мунапыс жөнүндө" Кыргыз өлкөсүнүн мыйзамына кол койду. Бул тууралуу президенттин басма сөз кызматынан билдиришти. Аталган мыйзам Кыргыз Республикасынын Жогорку Кеңеши тарабынан 2020-жылдын 30-апрелинде кабыл алынган.

Мыйзам жалпы кабыл алынган адам укуктарына жана эркиндиктерине урмат көрсөтүү менен гуманизм жана боорукердик принциптерин ишке ашыруу максатында кабыл алынган.

Мыйзамдын 1-беренесинин 1-бөлүгүнө ылайык, кылмыш үчүн эркиндигинен ажыратуу түрүндөгү жазыктык жазадан төмөндөгүлөр бошотулат:

1) 60 жаштан ашкан эркектер, ошондой эле 55 жаштан ашкан аялдар;

2) ден соолугунун мүмкүнчүлүгү чектелген I жана II топтогу майыптыгы бар адамдар;

3) жашы жете элек экиден кем эмес балдары же ден соолугунун мүмкүнчүлүгү чектелген I жана II топтогу майып балдары бар үй-бүлөдө жалгыз багуучу болуп саналган адамдар;

4) анча оор эмес кылмыштарды биринчи жолу жасаган адамдар;

5) жалгыз бой эне болуп саналган аялдар;

6) көп балалуу аялдар;

7) ушул мыйзам күчүнө кирген күнгө карата жазасынын өтөлбөгөн бөлүгү бир жылдан аз мөөнөттү түзгөн аялдар менен жашы жете электер.

Ошону менен бирге 1-берененин 1-бѳлүгүнүн колдонулушу жайылтылбай турган кылмыштардын тизмеси бекитилген.

"Мыйзамдын 2-беренесине ылайык, 1997-жылдын 1-октябрындагы Кылмыш-жаза кодексинин, 2017-жылдын 2-февралындагы Жазык кодексинин, мунапыста көрсөтүлгөн кылмыштар боюнча жазасын өтөп жатып качып кеткендер, эгер ушул мыйзамдын күчүнө кирген күндөн тартып үч айдын ичинде жазаны өтөп жаткан жерге, камакта турган жерге же аскер кызматын өтөп жаткан жерге өз ыктыяры менен келсе, кылмыш үчүн эркиндигинен ажыратуу түрүндөгү жазыктык жазадан бошотулат.

Кабыл алынган мыйзамдын 7-беренесине ылайык, ушул мыйзам «Мунапыс берүү негиздери жана аны колдонуу тартиби жөнүндө» Кыргыз Республикасынын мыйзамынын 6-беренесинде белгиленген жактарга жана 7-беренесинде белгиленген кылмыштын түрлөрүнө карата колдонулбайт. Мыйзам, ушул мыйзамдын 2-бөлүгүндө көрсөтүлгөн адамдарды кошпогондо, сот тарабынан эркиндигинен ажыратууга соттолгон, бирок издөөдө жүргөн адамдарга карата колдонулбайт. Айлана-чөйрөсүндөгү адамдарга коркунуч жараткан оорулар (кургак учук, жугуштуу оорулар, венерикалык оорулар) менен ооруган адамдарга мунапыс актысы зарыл дарылоо курсу аяктагандан кийин колдонулат", - деп айтылат маалыматта.

Мындан тышкары мунапыс берүү жөнүндө мыйзамды колдонуунун субъектиси болуп жаза аткаруучу ыйгарым укуктуу органдан келип түшкөн материалдар боюнча же кылмыш иши боюнча — анын өндүрүшүндө турган сот саналат. Сот отурумунда мунапыс берүү жөнүндө мыйзамды колдонуу тууралуу маселе каралганда, прокурор милдеттүү түрдө катышат.

Мыйзам расмий жарыяланган күндөн тартып күчүнө кирет жана 6 айдын ичинде аткарылууга тийиш.

Автор: Гүлшат Ысамамат кызы

17:46 08-05-2020

Жазылуу

Тектеш кабарлар:

Жалал-Абад облусунун тургундарына көчөгө чыкпай туруу сунушталды

Бириккен улуттар уюму коронавирус менен күрөшүү үчүн 15 миллион доллар бөлдү

Словакияда кайрадан өзгөчө кырдаал жарыяланды

Саламаттыкты сактоо министрлигине 6 даана жасалма дем алдыруучу аппарат, 100 даана кычкылтек концентратору тапшырылды

Депутат Эльвира Сурабалдиева Түркиядан келген атайын борт менен дарыланууга ишкерлер кеткенин айтууда

Коронавирус Кыргыз өлкөсүндө. Бул боюнча 30-марттагы кабарлардын ток этерин окугуңуз келсе...

"Пневмония менен ооруп жаткандар коркпош керек". Саламаттыкты сактоо министринин өкүлүнөн кеңеш

Обсервацияда 386 адам жана 12-мартта Сауд Арабиядан келген 142 адам жатат

Карантинде айла кетип. Казакстанда 9 кабаттуу үйдүн чатырында баланы сейилдеткен мырзанын видеосу тарады (видео)

"Ухан вирусу": 142 миңден ашуун жаран жабыркап, каза болгондор 5 миңден ашты

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (12)

Kultegin

2020-05-08 17:57:38

Садыр жапаровду киргизип койсо сонун болмок экен эле

nurgaz

2020-05-08 18:42:08

Kultegin, Садыр 52ге кирди, эркектер 60 жаштан ашкандар дейт. Садырга илешиш учун дагы 8 жыл бар.

-3

Qwer007

2020-05-08 17:58:41

Садыр Жапаров илешет бекен?

Erik2018

2020-05-08 18:12:49

Улуу жеңиштин 75 жылдыгы менен баарыныздарды куттуктайм достор

Suzak12

2020-05-08 18:14:54

Азимжан Аскаров деген чал да чыкса керек эми.

-5

nurgaz

2020-05-08 18:46:50

Suzak12, Азимжандын жашы 69да туура келет экен,

0001KG

2020-05-08 21:45:37

nurgaz, Азимжандыкы оор кылмыш эле, бул жерде анча оор кылмыш эмес деп туруго.

xnurgul_gul

2020-05-09 03:35:13

0001KG,Ишенич жок АША деле омур боюнча кеткен Батукаевти озу кызыл гилем менен узатып жибербеди беле.

xnurgul_gul

2020-05-08 19:04:24

Suzak12,Ошонун чыгышына НПОчулардын кызыгы куч болуп жатат. Дагын кыргын салгысы келип калган булардын. Ажимжан Аскаров ушундайларга керек да. Эгер ошол чыкса анда билбейм озунорду адамын мамлекетмин дебей эле койгула

Chungyz

2020-05-08 19:02:13

Азимжан омур бою кесилиптир илешпейт

xnurgul_gul

2020-05-08 19:05:56

Chungyz,Ошону чыгарайык деп кайра кайра чакырык жасап жатышат. Шорубузду катырып атышат Озубуздон чыккан душмандар

xnurgul_gul

2020-05-09 03:37:56

Азимжан Аскаров Ош окуясында туздон туз тиешеси бар. НПОчулардын главный куралы. Бул киши кыргын салган Кыргыздарга. УОмоттун куралы болуп берген. Эгер ушул чыкса анда шорубуз кайнаган эл экенбиз Кыргыздар

Комментарий калтыруу үчүн өз ысымыңыз менен кириңиз же каттоодон өтүңүз.