Ысык-Көлдө коронавирус менен ооругандар кайра катталды. Облустар боюнча стационарларда канча бейтап дарыланып жатат? (статистика)

11-майга карата өлкөдөгү стационарларда 316 бейтап коронавируска каршы дарыланып жатат. Анын ичинен 3 бейтап оор абалда жандандыруу бөлүмүндө жатат. Дагы 1 миң 100 адам обсервацияда жатат.

Бул күнгө карата аймактардагы стационарлардагы статистика кандай болуп жатканына кызыгып көрдүк. Маалымат Саламаттыкты сактоо министрлигинин расмий сайтындагы күн сайын жаңыланып туруучу картасынан алынды.

Бишкек жана Чүйдө жалпысынан 413 жарандан коронавирус аныкталган. Анын ичинен 210 бейтап айыгып, ооруканадан чыгарылса, дагы алтоо (Бишкекте 5, Чүйдө 1) каза болду. Калган 197 жаран дарыланып жатат.

Ош облусу жана Ош шаары боюнча жалпы 293. Анын 143ү облустагы стационарларга жаткырылып, бүгүнкү күндө 117 бейтап айыкты. Дагы үчөө каза болду. Учурда 23 бейтап (Ноокат аймактык ооруканасында 4, Кара-Суудагы аймактык ооруканада 13, Өзгөндөгү аймактык ооруканада 6) стационарларда калууда.

Ош шаарында 150. Анын 141 бейтабы илдеттен арылса, дагы үчөө каза болду. Стационарларда калгандар 6 (Ош шаардык клиникалык ооруканасында 4, облустар аралык биргелешкен клиникалык ооруканасында 2).

Жалал-Абад облусу боюнча жалпы 144. Бүгүнкү күндө анын 111и айыгып, 33 бейтап стационарларда калууда. (Ала-Бука райондук аймактык ооруканасында 4, Тогуз-Тородогу дарыгерлер борборунда 4, Чаткалдагы дарыгерлер борборунда 25).

Нарында жалпы 129. Анын ичинен 91 жаран сакайып, 38 бейтап дарылануусун улантып жатат. (Нарын облустук ооруканасында 27, Жумгал райондук аймактык ооруканасында 4, Ат-Башы районундагы аймактык ооруканасында 7).

Баткен облусунда жалпы 24. Анын 8 бейтабы айыгып, үйлөрүнө чыгарылса, 16 жаран стационарларда калууда (Кадамжай районундагы аймактык ооруканасында 6, Лейлек районундагы аймактык ооруканасында 6, Кызыл-Кыя аймактык ооруканасында 4).

Ысык-Көлдө жалпы 12. Анын 10 бейтабы айыгып, калган 2 жаран облустук ооруканасында дарыланып жатат. Белгилей кетсек, буга чейин аталган облуста ооургандардын саны 10го жетип, 6-майга карата бардыгы айыгып, медициналык жайдан чыгарылган.

Саламаттыкты сактоо министрлигинин маалыматына ылайык, стационарлар айрым аймактарда (район, айыл) түзүлгөн эмес. Бейтаптын абалы оорлошуп кетсе, шарты жакшы стационарга которулат. Мындан улам оорулуу жаран айыкканда кайсы аймактын ооруканасынан чыккан болсо, ошол аймактын статистикасына кошулуп, баланча аймактан мынча бейтап айыкты деп эсептелет.

Автор: Бактыгүл Момбекова

17:25 11-05-2020

Жазылуу

Тектеш кабарлар:

Өлкөдө коронавируска байланыштуу республикалык жана оперативдик күнү-түнү иштеген штаб уюштурулду

Бир суткада 9 адам коронавирустан көз жумду

"Ухан вирусу": Дүйнөдө коронавирустан айыккандардын саны 2 миллионго жакындады

Тамада Эрнест Бөрүбаев: "Жардам сураган аялдарга чалып, "төшөккө макул болсоң, жардам берем" деген эркектер болуп жатат"

"Коронавирус туу чокусуна жеткен жок, биз ооругандардын санын жогорку ченге жеткирбей кармап калдык" дейт министрликтин өкүлү

Коронавирус инфекциясынын экинчи толкунуна өкмөт кандай даярдыктарды көрүп жатканын айтты

СOVID-19: Республикалык штаб Бишкек, Ош шаарларына, Чүй жана Ош облустарына барууга чектөө киргизет

Кардиология жана терапия боюнча улуттук борбордун 27 жаштагы дарыгери өз жанын кыйган. "Ал коронавирустан улам каза болгон эмес" дешти министрликтен

Алкоголдук ичимдиктер организмдин вирус менен күрөшүү жөндөмдүүлүгүн азайтат. Адистер карантинде жаткан адам кандай тамактанышы керек экендигин айтты

Садыр Жапаров кайрадан элге кайрылып вакцина алууга чакырды

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (1)

Scorpion_09

2020-05-11 18:28:39

Ысык-көлдүн губернатору туура кылган ,справкасы жок киргизбей ,жана 14 күн карантин деп ... Ыйлактап атып алдырып салып мына эки киши келди оору менен ...

Комментарий калтыруу үчүн өз ысымыңыз менен кириңиз же каттоодон өтүңүз.