Акыркы суткада катталган 21 адамдын арасында Санкт-Петербургдан келген 10 курсант бар (видео, хронология)

Бүгүн, 17-май күнү Өкмөт үйүндө саламаттыкты сактоо министринин орун басары Нурболот Үсөнбаев өлкөдөгү эпидемиологиялык абал боюнча маалымат берүүдө.

2020-05-17 10:30:00

Февраль айынан тартып 119 бейтап пневмония диагнозу менен катталган. Алардан экөөнөн коронавирус аныкталган.

2020-05-17 10:29:00

Бүгүнкү күндө 65 күч органдарынын кызматкерлеринен коронавирус инфекциясы аныкталды.

2020-05-17 10:28:00

Суроо: "СИЗО-1 жана №27 түзөтүү абагынын кызматкери 13-14-май күндөрү ооруканага жаткырылды" деген маалымат чынбы?"

Жооп: "Учурда түзөтүү абагында иштеген 4 кызматкер коронавирус жуктурганы аныкталып, алар Бишкектеги Республикалык клиникалык жугуштуу оорулар ооруканасына жаткырылган. Алар менен байланышта болгон адамдарга лабораториялык иликтөө жүрүп жатат".

2020-05-17 10:21:00

Бейтаптардын 12синин абалы оор. Ошондой эле 6 бейтап жандандыруу бөлүмүндө жатат.

2020-05-17 10:20:00

Нарын шаарынан 3 медицина кызматкеринен коронавирус аныкталды. Ал эми стационарлардан 4 медкызматкер сакайып чыкты.

2020-05-17 10:18:00

Бир суткада 21 адамдан коронавирус аныкталды. Алардын арасынан Санкт-Петербург шаарынан келген 10 аскер окуу жайынын студенттери бар.

Бишкек шаары – 2 + 10 Санкт-Петербург шаарынан келгендер;
Чүй облусу - 3;
Нарын облусу - 6.

Республика боюнча 1138ге жетти.

2020-05-17 10:17:00

Бир сутка ичинде 21 бейтап ооруканадан айыгып чыкты:
Бишкек шаары – 11;
Ош шаары – 2;
Ош облусу – 2;
Баткен облусу - 3;
Нарын облусу - 3.

Республика боюнча жалпы 804 бейтап айыгып, ооруканадан чыгарылды.