Коронавирустан каза болгон Мукар Чолпонбаевдин кызы: "Атам дем ала албай жатып, кете берди"

Коронавирус илдетинен каза болгон Жогорку Кеңештин мурдагы төрагасы, коомдук ишмер Мукар Чолпонбаевдин сөөгү эртең, 25-майда Ала-Арча көрүстөнүнө коюлат. Маалыматты SUPER.KG порталы маркумдун кызы Нуриля Чолпонбаевага байланышып тактады.

Маркумду акыркы сапарга узатуу аземи саат 10:00дө болот. Ага жакындары катышат.

Нуриля Чолпонбаева атасы бүгүн, 24-май күнү саат 12:00дө дем ала албай жатып каза болгонун айтат.

"Атам биринчи коронавирусту жуктуруп алды. Андан кийин №3 үй-бүлөлүк медициналык борборунда иштеген апама жукту. Атам алгач ооруп калгандан кийин антибиотик ичип жатты. Кечээ, 23-майда атама ПЦР-анализ жасаганда таза чыкты. Бул вирус боор, бөйрөктүн баарына ууландыргандан кийин, адам коронавирус илдетинен айыкканы менен аталган органдар жабыркаган бойдон калат экен. Атам өзү дем ала албай калды. Бүгүн, 24-майда саат 05:00дө кан басымы көтөрүлүп, өйдө-ылдый боло берди. Ал эми саат 12:00дө дем ала албай жатып кайтыш болуп калды.

Ал эми апамдын ооруканадан чыкканына 3 күн болду. Эми ал дагы үйдө 14 күн карантинде жатышы керек. Эми азыр ага оор болуп турат, ошого кайра кан басымы көтөрүлүүдө", - деди Чолпонбаева.

Мукар Чолпонбаев ооруканага 5-майда жаткырылып, ден соолугу начарлагандыктан кайра жандандыруу бөлүмүнө которулган. Кийинчерээк бейтапты дарылоо оор өтүп жатканы тууралуу айтылган.

Көп өтпөй Мукар Чолпонбаевдин жубайы да коронавирус жуктуруп алганы маалым болуп, анын Бишкек шаарындагы №3 үй-бүлөлүк медициналык борборунда иштегени айтылган.

Ал эми кечээ, 23-майда Мукар Чолпонбаев коронавирустан айыкканын анын кызы Нуриля Чолпонбаева социалдык баракчасына жазып чыккан.

"Атамда эми коронавирус жок. Биз илдеттин кесепеттери менен күрөшүп жатабыз. Абалы орто, жасалма дем алдыруучу аппарат аркылуу дем алууда. Тамактанып калды. Жакшы болуп баратат. Эми убакыт гана керек", - деген ал атасы тууралуу билдирүүсүндө.

Автор: Айсалкын Качкынбекова

21:11 24-05-2020

Жазылуу

Тектеш кабарлар:

Ички иштер органдарынын кызматкерлеринин күнүмдүк тамагына 130 сом бөлүнөт

Сутка ичинде коронавирустан 8 адам каза болду

Коронавирустан дагы 5 жаран кайтыш болду. Анын ичинен үчөө Бишкектин тургундары

Баткен облусундагы жугуштуу оорулар ооруканасынын имараты пайдаланууга берилет

Депутат Масалиев: "Бүгүн премьер-министрдин бизге кылган мамилесин эске алалы, эртең коронавирус токтойт ошондо сүйлөшөбүз"

Казакстанда коронавирустан каза болгон аскер кызматкеринин эки баласынан вирус аныкталды

"Ухан вирусу": Жуктургандардын санынын көптүгү боюнча Испания экинчи орунга чыкты

Орусияда коронавирус аныкталган адамдардын саны 700 миңден ашты

Орусияда сутка ичинде 400гө чукул адам коронавирустан каза болду

"Исмаил Матраимов" фонду атайын ачылган мамлекеттин эсебине 10 миллион сом которду

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (7)

ZUXRIDDIN20

2020-05-24 21:32:49

Эң кыйналып өлүү дем ала албай өлүү деп ойлойм. Жаткан жайы жаннаттан болсун. Аллах өз рахматына алсын

+11

Tymar

2020-05-24 22:22:49

Тенирим элибизге ден соолук берсин. Жаткан жери жайлуу болсун.

-7

Adil18

2020-05-24 23:14:07

Жаткан жери жайлуу,топурагы торко болсун.
Кудайым сурагын женил кылган болсун жана бейиштен орун насип кылган болсун.
Дем ала албай калуу ото оор.

+13

katerina.li

2020-05-25 08:45:43

Жаткан жери жайлуу болсун.

Tyty1990

2020-05-25 09:18:55

Пайгамбарыбыз Мухаммед алейхиссалам айткан Алладан жакшы өлүм тилегиле деп. Жылдап бирөөнүн көзүн карап кыйналып өлгөндөн кудай сактасын.

muras111211

2020-05-25 09:48:12

Жайы Жаннатта болсун.

aika17

2020-05-25 11:03:22

Жайы жаннаттан болсун.Акыркы сапарга узатуу аземи жок эле жерге бериш керек.Жакындары түшүнүү менен кабыл алып.Вирусту жок,жалган дегендер окуп жатты болду бекен?

Комментарий калтыруу үчүн өз ысымыңыз менен кириңиз же каттоодон өтүңүз.