"Аңгырап дүйнө бош эми, ажыкем, арман, кош эми". Чубак Жалиловду акындар эскеришүүдө

Экс-муфтий, белгилүү дин аалымы Чубак Жалилов пневмониядан улам каза болду. Мындай оор жоготуу тууралуу кабарды уккан кыргыз эли кайгырып, кан жутуп турат.

Социалдык тармакта дин аалымы тууралуу колдонуучулардын көбү өз баракчаларында эскерүү постторун жазып жатса, акындар ыр арнап, эскерип жаткан убагы.

ААЛЫМ жана ААЛАМ

Кулагыма суук кабар жаңырды,
Зыркыратып жүрөк-жүлүн, тамырды.
Жол көрсөтчү жоболоңдуу заманда,
Жоготуппуз алп, даанышман аалымды.

Билем, ар жан өлүм даамын татат бу,
Бирок ыйлап, көздөн мөлтүр жаш акты.
Накыл сөзү – чырак эле түндөгү,
Ким бизге айтат эми ошондой насаатты?

Маңдайында жылдыз-нуру жаркыган,
Таңдайынан таттуу сөздөр шаңшыган.
Казган кенин Алла берген илимдин,
Ошон үчүн Ай айбыкчу баркынан!

Ачуу дебей акыйкатты билдирчү,
Капалуунун жарпын жазып күлдүрчү.
Бул жалганда аз жашаарын билгендей,
Тынымы жок иштеп күн да, түн жүрчү.

Илим, акыл, китеп эле жыйганы,
Биз эле эмес, дүйнөдө көп сыйлаары.
Чын ыклас, чырак билим, чындык сөз...
Бузуктуктан буруп койгон кыйланы.

Буркурадым сыздап, жүрөк эзиле,
Күн күл болуп, Ай өчкөндөй сезиле.
Элге келген балакеттин бардыгын
Мага бер деп тилеген бейм өзүнө.

Күн тийсе да күңүрт тартып төгөрөк,
Кандайдыр бир капалыкка бөлөнөт.
Аалым өтсө – аалам боорсуз калгансыйт,
Андай залкар кайра качан төрөлөт?

Арманым өрт, айтар сөз көп дээр ичте,
Устатым ай, кеттиң салып кейишке.
Ортодогу бир туугандык мамиле,
Уланат деп үмүт кылам бейиште.

Автор: Нуржигит Кадырбеков

Көкүрөккө муң толуп, азыр баары,
Көз жаштар тыйылып басылбады.
Көлөмү Ала-Тоодой адамдарды,
Көргө алып барып дөңсөөгө жашырганы,
Буйрукка баш ийип кете берди.
Абдугаппар, Чубактай асылдары,
Зайыр, Акжол, Элмирдей акындары.
Жакшы адамдар күн сайын азаюуда,
Аттиң арман... Кыямат жакындады...
Даяр бол! Кыямат жакындады...

Автор: Кубат Тукешов

Ааламдын көркүн жоготуп,
Асылдар өлбөс болсочу.
Жашоонун жазын соолутуп,
Жакшылар өлбөс болсочу.

Кандай оор, кандай жаңылык,
Кайрадан түтөйт каңырык.
Келаткан кезде аалымга,
Кетсең не ажал жаңылып.

Жүрөктөрүнө көл чөккөн,
Бийиктиктерди көрсөткөн.
Табылбай турган кайрандар,
Тамчыдай гана мөлт эткен.

Арманды кайда катабыз,
Азыр биз сыздап жатабыз.
Мээримин төгүп табылгыс,
Сагынып тосоор апаңыз.

Аңгырап дүйнө бош эми,
Ажыкем, арман, кош эми.
Бийиктен карап элиңди,
Бейиштин таңын тос эми!!!

Автор: Бердибек Жамгырчиев

Эхх заман...
Оюмду жай алдырбай төрт бөлөсүң,
Токтолбой жыл кубалап өзгөрөсүң,
Зуулдаган мезгилиңди камчыланып,
Оо жашоо дагы нени көрсөтүсүң???

Автор: Акбар Кубанычбеков

Чубак Жалилов пневмония илдетинен көз жумду

Автор: Айжанар Рыспек кызы

11:02 11-07-2020

Жазылуу

Тектеш кабарлар:

Министрдин орун басары: "Жардам биринчи жаңы конушта жашаган үй-бүлөлөргө берилет"

Орусиялык ырчы Лев Лещенко коронавирустан айыгып чыкты

Кыргыз өлкөсү COVID-19 вирусун дарылоо үчүн Авифавир дарысын алуу боюнча сүйлөшүүлөрдү жүргүзүүдө

Чүй облусунда жалпы 141 адамдан вирус аныкталып, төртөө көз жумду

Ооругандар көбөйүүдө! Бишкекте дагы бир түнкү стационар ачылды

Нью-Йорк шаарында спорттук иш-чаралар токтотулду. Нурмагомедов-Фергюсон беттеши 5-жолу жылдырылабы?

Өткөн сутка ичинде өлкөдө COVID-19 илдетинен каза болгондор катталган жок

Иранда акыркы бир сутка ичинде 2 миң 400 кишиден коронавирус аныкталып, 75 киши каза болду

Сутка ичинде 1233 адамдан коронавирус аныкталды (6-июлга карата статистика)

+511. Бишкекте 260, Чүйдө 104 адам коронавирус илдетин жуктуруп алды

РУБРИКАДАГЫ СОҢКУ КАБАРЛАР

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 80 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 105 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 255 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 502 0

20:42 2025-04-30 | Коом жана турмуш

Өлкөдө окуучулар 11 күнгө канукулга чыгат 439 0

20:01 2025-04-30 | Кылмыштар, кырсыктар

Таласта токтоп турган унааны айдай качкан киши кармалды 581 0

Архив

Комментарийлер (14)

ALATOOLUK.JIGIT

2020-07-11 11:16:09

Эх,озумо келе албай жатам. Чын эле ажыкесиз дуйно бош эми. Кайдагы бироону эмес,ушул киши тен болчу Манаска.

fora

2020-07-11 11:19:40

Ото окунчуу Жатаан жери жаннаттын торундо болсун ажыке

aerforce

2020-07-11 11:38:59

Ортодогу бала ким?

Amantur_akjol

2020-07-11 13:07:43

aerforce,Акжолтой Канат уулу төкмө акын

aerforce

2020-07-11 16:48:41

Amantur_akjol,аа ооба рахмат бул деген маркум Майра апабыздын уулу эмесби бул жигит да жаш кетти

admiral

2020-07-11 11:40:55

Кудайдын кыргызга берген нуру очту! Окунучтуу...

maks94.kb

2020-07-11 11:51:37

Кош ажыкем бейиш болсун барганын
Калды бизге насаатарын айтканын
Жарык чачкан жан элен сен кыргызга
Нуру очту кош ажыкем ардагым

Tyty1990

2020-07-11 11:55:25

Аллахым кыргыз деп согот эле жүрөгүңүз. Аллахым кабыр азабынан бүт өтүп кеткен мусулман биртуугандарды сактасын. Кош устаз

Hadyja

2020-07-11 11:56:29

Устаз,ыйлатып кеттиңиз элиңизди,сагынабыз сизди.Сизди сагынабыз,Устаз!

fak

2020-07-11 12:24:39

Жаткан жери бейиштин торунон болсун, аябай окунучтуу

Assalomuallekum

2020-07-11 12:48:03

Ыйлап, ыйлап жибердим

Povetkin

2020-07-11 14:11:31

Топурагын торко, жаткан жерин жайлуу кылсын ООМИИН!

Suzak12

2020-07-11 14:25:04

Эртен менен турсам эле суук кабар уккан кулагыма ишенбейм устаз Аллахым жаткан жериниз жайлуу болсун акырете беиштин эшиги ачык болсун устаз.

sale-81

2020-07-11 17:28:38

Кыямат жакындаганда Аллахым озуно, жакшы коргон пенделерин алып кетет экен, жаткан жери жайлуу болсун, ар Бир кадамы бейиштен болсун, биз ыйлаган сайын ажыкенин жаны кыйналат экен, ошондуктан кокуроктогу ыйыбызды дуага салалы, куран менен узаталы , ошондо ажыке женил кетет экен,

Комментарий калтыруу үчүн өз ысымыңыз менен кириңиз же каттоодон өтүңүз.